பீட்ரூட்டை கழுவி தோல் சீவி துருவி வைக்கவும். சிறிய வெங்காயம் கழுவி பொடியாக அரிந்து வைக்கவும். ஒரு பச்சை மிளகாய் கீறி வைக்கவும்.ஒரு வாணலியில் எண்ணெய் ஒரு ஸ்பூன் நெய் ஒரு ஸ்பூன் சேர்த்து சூடானதும் கடுகு உளுந்து கருவேப்பிலை போட்டு தாளிக்கவும்.வெங்காயம் பச்சை மிளகாய் சேர்த்து வதக்கி துருவிய பீட்ரூட் தேவையான உப்பு ஒரு சிட்டிகை மஞ்சள் தூள் சேர்த்து நன்கு வதக்கவும்.

பீட்ரூட் வெந்ததும் ஒரு ஸ்பூன் சர்க்கரை 2 ஸ்பூன் தேங்காய் துருவல் சேர்த்து சுருள வதக்கி எடுக்கவும்.இந்த முறையில் செய்யும்பொழுது நெய் சர்க்கரை வாசனையுடன் பீட்ரூட் துருவல் மிகவும் சுவையாக இருக்கும்.குழந்தைகளுக்கு சாதத்துடன் பிசைந்து ஊட்டலாம். காரம் தேவைப்பட்டால் பச்சை மிளகாயைத் தவிர்த்து சிறிதளவு சாம்பார் பொடி போட்டு சுருள வதக்கி எடுக்கலாம். சுவையான பீட்ரூட் துருவல் தயார்.