முருங்கைக்காயை கழுவி 2 இன்ச் அளவில் நறுக்கி வைக்கவும். பூண்டு 5 பல் எடுத்து வைக்கவும். ஒரு வாணலியில் 3 ஸ்பூன் எண்ணெய் விட்டு அரிசி ஒரு ஸ்பூன் துவரம்பருப்பு 2 ஸ்பூன் தனியா 2 ஸ்பூன் ஜீரகம் மிளகு அரை ஸ்பூன் 5 வரமிளகாய் சேர்த்து பொன்னிறமாக வறுத்து மிக்ஸியில் போட்டு தண்ணீர்விட்டு மைய அரைத்து வைக்கவும். புளி நெல்லிக்காய் அளவு ஊற வைத்து கரைத்து வைக்கவும்.

ஒரு வாணலியில் 2 ஸ்பூன் எண்ணெய் விட்டு கடுகு உளுந்து கருவேப்பிலைதாளித்து பூண்டை போட்டு பிரட்டி நறுக்கிய முருங்கைக்காயை சேர்த்து வதக்கி தேவையான நீர் விட்டு உப்பு மஞ்சள்தூள் சேர்த்து வேகவிடவும்.முருங்கைக்காய் வெந்ததும் அரைத்த விழுது, கரைத்த புளி கரைசல் தேவையான உப்பு சேர்த்து கலந்து விட்டு.சிம்மில் வைக்கவும்.குழம்பு தளதளவென கொதித்து கெட்டியானதும் அடுப்பை அணைக்கவும் சுவையான முருங்கைக்காய் கார குழம்பு தயார்.