துவரம்பருப்பு 1கப் உளுந்து பருப்பு 1/4 கப் சேர்த்து கழுவி 2மணி நேரம் ஊற விடவும். 2 டீஸ்பூன் பாசிப்பருப்பு தனியாக ஊற விடவும்.

வர மிளகாய் 5, 1 பெரிய துண்டு இஞ்சி, மிக்ஸி ஜாரில் சேர்த்து 1 முறை அரைத்த பிறகு ஊற விட்ட துவரம் பருப்பு உளுந்து பருப்பையும் சேர்த்து கொரகொரப்பாக அரைத்துக் கொள்ளவும். கடைசியாக உப்பு சேர்த்து ஒரு ஓட்டு ஓட்டி எடுத்து வைக்கவும். 5 பல் பூண்டு,15 சின்ன வெங்காயம்,சிறிது கறிவேப்பிலை கொத்தமல்லி தழை சேர்த்து ஒரு முறை ஓட்டி எடுத்து வைக்கவும்.

அரைத்த விழுதை தனியாக எடுத்து வைக்கவும். 1/2 நறுக்கிய பெரிய வெங்காயத்தை நறுக்கி சேர்த்து ஊற வைத்த பாசிப்பருப்பையும் சேர்த்து கலக்கி பிசைந்து வைக்கவும்.

கடாயில் எண்ணெய் விட்டு வடைமாவை சிறிதாக தட்டி வடைகளாக சுட்டு எடுக்கவும்.

மோர் குழம்பு செய்ய 3வரமிளகாய்,4 பல் பூண்டு,8 சின்ன வெங்காயம் மஞ்சள்தூள் 1/2 டீஸ்பூன் பெருங்காயம் சிறிதளவு இஞ்சி 1 துண்டு,சீரகம் 1டீஸ்பூன், உப்பு சேர்த்து, ஊறவைத்த துவரம்பருப்பை சேர்த்து நைசாக அரைத்து வைக்கவும்.

மோர்குழம்புக்கு அரைத்த விழுதை 2 கப் தயிரில் கலக்கி வைக்கவும்.

தாளிக்கும் கரண்டியில் 2டீஸ்பூன் ஆயில் விட்டு கடுகு 1 டீஸ்பூன் உளுந்து பருப்பு 1டீஸ்பூன் கறிவேப்பிலை பெருங்காயத் தூள் சிறிது சேர்த்து தாளித்து மோர்க் குழம்பில் சேர்க்கவும்.சுட்ட வடைகளை ஒரு கிண்ணத்தில் வைத்து அதன் மேலே இந்த மோர் குழம்பை ஊற்றி வைக்கவும்.

மோர் குழம்பில் வடை ஊறியவுடன் சூடானசாதத்தில் ஊற்றி சாப்பிட சுவையாக இருக்கும். ஆமவடை மோர் குழம்பு ரெடி.😋😋