1 கப் அரிசியை நன்கு களைந்து 2 1/2 கப் தண்ணீர் ஊற்றி பிரசர் குக்கரில் 3 விசில் வரும் வரை வைக்கவும்.

1/4 கப் புளியை 1 கப் தண்ணீரில் 20 நிமிடங்கள் ஊர வைத்து புளி சக்கை ஆகும் வரை 3-4 தடவை பிழிந்து சாறு எடுக்கவும். மொத்தம் 4 கப் புளி சாரு இருக்க வேண்டும்.

ஒரு கடாயில் 4 டேபிள்ஸ்பூன் எண்ணெய் ஊற்றி அதில் கடுகு சேர்த்து வெடித்ததும் சீரகம், கருவேப்பிலை, பெருங்காயம் மற்றும் 2 காய்ந்த மிளகாய தாளித்து புளி சாரு 4 கப் அதில் சேர்த்து 10 நிமிடங்கள் கொதிக்க விடவும்.

ஒரு மிக்ஸியில் 2 டேபிள்ஸ்பூன் கடலைப்பருப்பு,உளுத்தம்பருப்பு, வேர்க்கடலை மற்றும் 4 காய்ந்த மிளகாய அரைத்து கொள்ளவும். மிகவும் நைசாக அரைக்க‌ வேண்டாம். நரநர வென அரைக்கவும்.

புளி கலவை நன்கு கொதித்து பாதியாக ஆன பிறகு அரைத்ததை அதில் சேர்த்து 1 டீஸ்பூன் மிளகாய்த்தூள், தனியா தூள் மற்றும் தேவையான உப்பு சேர்த்து நன்கு கிளறி விடவும்.

எண்ணெய் திரண்டு வந்தும் வடித்த சாதம் சேர்த்து கலந்து விடவும்.

சுவையான புளி சாதம் தயார். இதனை தயார் செய்து 30 நிமிடங்கள் கழித்து சாப்பிட்டால் இன்னும் ருசியாக இருக்கும். அப்பளம் அல்லது வற்றல் சேர்த்து உண்ணலாம்.