அதிகம் புளிப்பு சுவை இல்லாத தக்காளி எடுத்து கொண்டு அதன் மேல் பகுதியை ரௌண்டாக வெட்டி எடுக்கவும். பின்னர் தக்காளியின் உட்புறம் உள்ள விதை பகுதியை ஸ்பூன் கொண்டு நீக்கி விடவும். ஒரு கிண்ணத்தில் முட்டையை ஊற்றி அதில் பொடியாக நறுக்கிய வெங்காயம், விரும்பினால் பச்சை மிளகாய் அல்லது குடை மிளகாய் அல்லது மிளகு தூள், பொடியாக நறுக்கிய கொத்த மல்லி, மஞ்சள் தூள், தேவையான அளவு உப்பு சேர்த்து நன்கு கலக்கவும்.

பின்னர் தக்காளியின் நடுவே முட்டை கலவையை ஊற்றி அதன் மேல் வெட்டி வைத்த தக்காளியின் மேல் பகுதியினால் மூடி விடவும். பின்னர் ஒரு இட்லி பாத்திரத்தில் தண்ணீர் சேர்த்து கொதித்த உடன் தக்காளியை இட்லி தட்டில் வைத்து இட்லி பானையை மூடி 10நிமிடம் வேக விடவும். பின்னர் தக்காளியின் மேல் புற தோலை நீக்கி விட்டு (வெந்த உடன் தக்காளியின் மேல் தோல் தனியாக பிரிந்து வந்து விடும்). பரிமாறவும்.