மேத்தி தேப்லா (வெந்தய கீரை தேப்லா)

ஒரு பாத்திரத்தில் கோதுமை மாவு, கடலை மாவு, பச்சை மிளகாய் இஞ்சி விழுது, உப்பு, மஞ்சள் தூள், மிளகாய் தூள் மற்றும் வெந்தய கீரை ஆகியவற்றை கலந்து கொள்ளவும். பின்னர் வெள்ளை எள்ளு சேர்த்து கலந்து கொள்ளவும்.

பின்னர் காய்ச்சி ஆறிய பாலை கொஞ்சம் கொஞ்சமாக சேர்த்து சப்பாத்தி மாவு போல் பிசையவும். (தண்ணீர் சேர்க்க கூடாது). சிறிது எண்ணெய் சேர்த்து பிசைந்து கொள்ளவும்.

பின்னர் சிறு சிறு உருண்டைகளாக உருட்டி சப்பாத்தியாக மெலிதாக தேய்த்து சூடான தோசைக்கல்லில் போட்டு இரு புறமும் எண்ணெய் ஊற்றி சுட்டு எடுத்து சூடாக பரிமாறவும்.