பச்சை சுண்டைக்காய் குழம்பு

ஒரு கப் சுண்டைக்காய் எடுத்துக் கொள்ளவும். பத்து சிறிய வெங்காயத்தை தோலுரித்து இரண்டாக அறிந்து கொள்ளவும்.3 வரமிளகாய், அரை ஸ்பூன் உளுத்தம் பருப்பு, ஒரு ஸ்பூன் கடலைப் பருப்பு,1,1/2 டீஸ்பூன் வரகொத்தமல்லி,அரை ஸ்பூன் சீரகம், அரை ஸ்பூன் வெந்தயம், கால் ஸ்பூன் மிளகு எடுத்து வைத்துக் கொள்ளவும்

அரைக்க தேங்காய் எடுத்துக் கொள்ளவும். எலுமிச்சைப்பழ அளவு புளியை ஊறவைத்துக் கொள்ளவும்.ஒரு ஸ்பூன் எண்ணெயில் கடலைப்பருப்பு உளுத்தம்பருப்பு வரக்கொத்தமல்லி சீரகம் மிளகு வெந்தயம் வரமிளகாய் இவற்றை வறுத்து கொள்ளவும் இவற்றுடன் 4 பல் பூண்டு, இஞ்சி 1 துண்டு சேர்த்து வதக்கவும். தேங்காய் சேர்த்து வறுத்த இந்த பொருட்களை மிக்ஸியில் நைஸாக அரைத்துக் கொள்ளவும்.

படத்தில் காட்டியுள்ளபடி அம்மியில் சுண்டைக்காயை தட்டிக் கொள்ளவும். அல்லது மிக்ஸியில் ஒன்றிரண்டாக ஒட்டிக் கொள்ளவும். விதை போக நன்கு கழுவிக் கொள்ளவும். ஒரு வாணலியில்3 ஸ்பூன் நல்லெண்ணெய் சேர்த்து அதில் கடுகு உளுத்தம் பருப்பு,வரமிளகாய், பெருங்காயத்தூள் கறிவேப்பிலை தாளித்து தட்டிய சுண்டைக்காயை சேர்த்து 3 நிமிடங்கள்வதக்கிக் கொள்ளவும். பிறகு அதனுடன் அரிந்த வெங்காயத்தை சேர்த்து நன்கு வதக்கிக் கொள்ளவும்.

வதங்கிய சுண்டை காயுடன் அரை ஸ்பூன் மஞ்சள் தூள், 3ஸ்பூன் மிளகாய்தூள், உப்பு தேவையான அளவு சேர்த்து மீண்டும் வதக்கிக் கொள்ளவும். தண்ணீர் சேர்த்து குக்கரில் 3 சவுண்டு விட்டு வேகவிடவும். சுண்டைக் காய் வெந்தவுடன் வேக வைத்த துவரம்பருப்பை ஒரு கரண்டி சேர்த்து கொள்ளவும்.பிறகு கரைத்து வைத்த புளி தண்ணீரை சேர்த்து கொதிக்கவிடவும்.

இப்போது அரைத்து வைத்த தேங்காய் விழுதை சேர்த்து கொதிக்க விடவும். கடைசியில் வெல்லம் அல்லது சர்க்கரை தேவையான அளவு கலந்து கொள்ளவும்.