ராகி சேமியா/காரம்/இனிப்பு

முதலில் ராகி சேமியாவை சிறிது உப்பு கலந்த நீரில் ஒரு நிமிடம் ஊற வைத்து அலசி எடுத்துக்கொள்ளவும். பின் அதனை இட்லி பாத்திரத்தில் வைத்து 5 நிமிடம் ஆவியில் வேக வைத்து எடுத்துக் கொள்ளவும். பின் அதனை இரண்டு பாதியாக பிரித்து வைக்கவும். முதல் பாதியில் துருவிய தேங்காய் ஏலக்காய் தூள் மற்றும் சர்க்கரை சேர்த்து தேவைப்பட்டால் சிறிது நெய் சேர்த்து கலந்து பரிமாறவும் இனிப்பு சேமியா தயார்.

கடாயில் எண்ணெய் சேர்த்து எண்ணெய் காய்ந்ததும் கடுகு கறிவேப்பிலை உளுத்தம்பருப்பு கடலைப்பருப்பு தாளித்து அதன்பின் நறுக்கிய பச்சைமிளகாய் மற்றும் பெரிய வெங்காயம் சேர்த்து வதக்கவும் வெங்காயம் வதங்கிய உடன் மீதமுள்ள ராகி சேமியாவை சேர்த்து தேவையான அளவு உப்பு சேர்த்து கிளறவும் இறுதியாக எலுமிச்சை சாறு மற்றும் நறுக்கிய கொத்தமல்லி இலை சேர்த்து கிளறி 5 நிமிடம் மிதமான சூட்டில் மூடி வைத்து வேக வைக்கவும் சுவையான சேமியா தயார்.