ரோட்டுக்கடை ஸ்டைல் காளான் சூப்

ஒரு கடாயில் சிறிது எண்ணெய் அல்லது பட்டர் சேர்த்து சூடானதும் அதில் பொடியாக நறுக்கிய பூண்டு இஞ்சி சேர்த்து வதக்கவும். பின்னர் பொடியாக நறுக்கிய பாதி வெங்காயம் சேர்த்து 1நிமிடம் வதக்கவும். பின்னர் பொடியாக நறுக்கிய காளான் சேர்த்து 1நிமிடம் வதக்கவும்.

பின் சீரகத்தூள், கரம் மசாலா, மிளகு தூள் தேவையான அளவு உப்பு சேர்க்கவும். அதனுடன் 2கப் தண்ணீர் சேர்த்து 10நிமிடம் நன்றாக கொதிக்க விடவும். பின்னர் ஒரு கிண்ணத்தில் சோளமாவுடன் சிறிது தண்ணீர் சேர்த்து கரைத்து அதை கொதிக்கும் சூப்பில் சேர்க்கவும்.

மேலும் 2நிமிடம் கொதிக்க விட்டு சூப் கெட்டி ஆனவுடன் அதில் பொடியாக நறுக்கிய கொத்தமல்லி தூவி இறக்கவும். பின்னர் பரிமாறுவதற்கு முன் சூப்பில் நறுக்கிய பச்சை வெங்காயம் சிறிது மிளகு தூள் சிறிது மற்றும் கார்ன் பிளக்கஸ் தூவி பரிமாறவும். மிகவும் மணமும் சுவையும் நிறைந்த சூப் தயார்.