பிரியாணி சட்டியை எண்ணெயை ஊற்றி சூடேற்றி அதில் பட்டை லவங்கம் ஏலக்காய் சேர்க்கவும் பிறகு நறுக்கிய வெங்காயம் சேர்த்து நன்றாக வதக்கவும் பிறகு சின்ன வெங்காய விழுது சேர்த்து பச்சை வாசனை போக நன்றாக வதக்கவும்

பிறகு இஞ்சி பூண்டு விழுது சேர்த்து பச்சை வாசனை போக நன்றாக வதக்கி பிறகு தக்காளியை சேர்த்து மசியும் வரை நன்றாக வதக்கவும்

மிக்ஸி ஜாரில் கொத்தமல்லி புதினா பச்சை மிளகாயை தண்ணீர் சேர்க்காமல் கரகரவென அரைத்துக் கொள்ளவும் தக்காளி மசிந்தவுடன் இந்த அரைத்த கலவையை சேர்த்து 5 நிமிடம் மிதமான தீயில் வதக்கவும்... மட்டனை சேர்த்து மிதமான தீயில் எண்ணெயை பிரியும் வரை வதக்கவும்

பிறகு இதில் மிளகாய்த்தூள்,மஞ்சள்தூள், கரம் மசாலா, மட்டன் மசாலா, உப்பு, சேர்த்து 2 நிமிடம் நன்றாக வதக்கவும் பிறகு தயிர் சேர்த்து 5 நிமிடம் மிதமான தீயில் வதக்கவும் பிறகு அடுப்பை குறைந்த தீயில் வைத்து மட்டனை 30 நிமிடம் வேக வைக்கவும் தண்ணீர் விடத் தேவையில்லை குக்கரில் வேக வைப்பது என்றால் ஒரு கப் தண்ணீர் சேர்த்து 4 விசில் வேக விட்டு எடுக்கவும்

மட்டன் வெந்தவுடன் அதில் 4 கப் (1000மிலி) தண்ணீர் உப்பு 1/2 எலுமிச்சை சாறு சேர்க்கவும்

தண்ணீர் நன்றாக கொதித்து வரும் பொழுது ஊற வைத்த சீரக சம்பா அரிசியை சேர்த்து தண்ணீர் வற்றும் வரை கிளறவும் (கைவிடாமல் கிளறினால் குழைத்துவிடும் அடி பிடிக்காமல் இருக்க அவ்வப்போது கிளறவும்) 90% தண்ணீர் வற்றியதும் பிரியாணி பாத்திரத்தில் காற்று புகாதவாறு மூடி போட்டு மேலே ஒரு கனமான பாத்திரத்தை வைத்து குறைந்த தீயில் 15 நிமிடம் வைக்கவும்...

பிறகு அடுப்பை அணைத்து 10 நிமிடம் கழித்து மூடியை திறந்து மெதுவாக கிளறவும்

மட்டன் பிரியாணி தயார்