சாக்லேட் கோதுமை கேக் (Chocolate kothumai cake recipe in tamil)

ஒரு பவுலில் தயிர், எண்ணெய் இரண்டையும் சேர்த்து நன்றாக விஸ்க் வைத்து அடித்து எடுத்து கொள்ளவும்.பிறகு கருப்பட்டியை தூளாக தட்டி 2ஸ்பூன் தண்ணீர் ஊற்றி கரைத்து இந்த கலவையில் சேர்த்து நன்கு விஸ்க் வைத்து அடித்து எடுத்து கொள்ளவும்.

பிறகு கோதுமை மாவு கொக்கொ பவுடர் சேர்த்து கலந்து விட்டு கொஞ்சம் கொஞ்சமாக பால் ஊற்றி விஸ்க் வைத்து கலந்து விடவும்.

இதில் சோடா உப்பு, பேக்கிங் பவுடர் சேர்த்து லேசாக கலந்து விடவும்.கேக் செய்யும் பாத்திரத்தில் எண்ணெய் தடவி கோதுமை மாவு தூவி எல்லா இடங்களிலும் படும் படி தட்டி விடவும்.

இந்த மாவு கலவையை கேக் பாத்திரத்தில் ஊற்றி லேசாக தட்டி விடவும். அடுப்பில் அடிகனமான கடாயில் ஸ்டான்ட் போட்டு மூடி வைத்து 10 நிமிடம் ப்ரீஹுட் செய்யவும்.பிறகு கடாயில் இந்த பாத்திரத்தை வைத்து மூடி போட்டு 40 நிமிடம் வேக வைத்து எடுக்கவும்.

அடுப்பை குறைந்த தீயில் வைத்து வேக வைக்கவும். கேக் வெந்ததும் கத்தியால் குத்தி பார்க்கவும். கேக் கத்தியில் ஒட்டாமல் வந்தால் தயாராகி விட்டது.

பிறகு சாக்லேட் சிரப் ஐ கேக் மீது தடவி அதன் மேல் துருவிய சாக்லேட் தூவி சிறிதளவு அலங்கரித்து கொள்ளவும்.

சூப்பரான சாக்லேட் கோதுமை கேக் தயார். நன்றி