ரவா முந்திரி கேக் (Rava Munthiri cake recipe in tamil)

முதலில் ரவையையும் சர்க்கரையும் ஒரு மிக்ஸி ஜாரில் போட்டு பவுடராக அரைத்துக் கொள்ளவும்.

ஒரு அகலமான பாத்திரத்தில் பால், தயிர், எண்ணெய் சேர்த்து நன்கு கலந்து கொள்ளவும். பிறகு ரவா சக்கரை பவுடரை கொஞ்சம் கொஞ்சமாக அதில் போட்டு நன்கு கலந்து கொள்ளவும்.

பிறகு அந்தக் கலவையில் ஏலக்காய்தூள், பேக்கிங் சோடா, முந்திரிப் பருப்பு சேர்த்து நன்கு கலந்து கொள்ளவும். இந்த கலவையை 10 நிமிடம் ஊறவைக்கவும்.

பிறகு கேக் செய்யும் பாத்திரத்தில் ஒரு ஸ்பூன் நெய் தடவி ஒரு ஸ்பூன் கோதுமை மாவை தூவி பரவலாக தட்டி விடவும்.பிறகு அடுப்பில் ஒரு கடாயை வைத்து அதில் மூன்று ஸ்பூன் சர்க்கரையை போட்டு ஒரு கரண்டியால் கிளறிக் கொண்டே இருந்தால் ஐந்து நிமிடத்தில் சுகர் சிரப்பு ரெடியாயிடும்.

பிறகு அந்த சிரப்பை கேக் செய்யும் பாத்திரத்தில் ஊற்றவும். பிறகு கேக் கலவையை கேக் செய்யும் பாத்திரத்தில் ஊற்றி லேசாக பாத்திரத்தை தட்டி விடவும்.

அடுப்பில் ஒரு இட்லி பாத்திரத்தை வைத்து அதில் ஒரு கப் கல்உப்பு போட்டு அதன் மேல் ஒரு தட்டை வைத்து 10 நிமிடம் சூடு பண்ணவும். சூடு ஏறியதும் கேக் பாத்திரத்தை அந்த தட்டின் மேல் வைத்து 20 நிமிடம் மூடி போட்டு மிதமான சூட்டில் வைத்து வேக வைக்கவும்.

20 நிமிடம் கழித்து திறந்து ஒரு கத்தியால் குத்தி பார்க்கவும். கேக் கத்தியில் ஒட்டாமல் வந்தால் கேக் தயார் ஆகிவிட்டது.பிறகு கேக் பாத்திரத்தை எடுத்து ஒரு பத்து நிமிடம் ஆற விடவும். கேக் ஆறியதும் ஒரு பிளேட்டில் டிரான்ஸ்பெர் பண்ணவும்.