இரண்டு டம்ளர் இட்லி அரிசியை கழுவி தேவையான நீர் விட்டு இரண்டு மணி நேரம் ஊறவிடவும். ஒரு முற்றிய தேங்காயை முழுவதும் துருவி வைத்துக் கொள்ளவும்.கிரைண்டரில் துருவிய தேங்காயை சேர்த்து தண்ணீர் சிறிதளவு ஊற்றி அரைக்கவும்.மசிந்ததும் ஊற வைத்த அரிசியை அதனுடன் சேர்த்து சற்று கொரகொரப்பாகஅரைத்து எடுக்கவும்.

ஒரு வாணலியில் குழிக்கரண்டி எண்ணெய் விட்டு கடுகு 2 ஸ்பூன் கடலைப்பருப்பு உளுத்தம் பருப்பு இரண்டு ஸ்பூன் சேர்த்து நன்கு சிவக்க வறுக்கவும். 8 வரமிளகாய் கிள்ளிப்போட்டு கருவேப்பிலை சேர்த்து தாளிக்கவும். தேவையான உப்பு சேர்க்கவும் அரைத்த கொழுக்கட்டை மாவை அதில் ஊற்றி நன்கு வதக்கவும். உருண்டை பிடிக்கும் அளவுக்கு பஞ்சுபோல் வதக்கவும்

மாவை உருண்டையாக கையில் பிடித்து கொழுக்கட்டை போல் செய்து இட்லி பானையில் ஆவியில் வைத்து வேக விடவும். 10 நிமிடம் வேக விடவும். சுவையான உப்பு தேங்காய் காரகொழுக்கட்டை தயார்.இன்று எங்கள் வீட்டில் விநாயகர் சதுர்த்திக்கு இந்த முறையில் கொழுக்கட்டை செய்தோம். நீங்களும் செய்து பாருங்கள்