அரிசி உளுந்தை முதல் நாள் இரவே ஊற வைக்கவும்.

முதலில் அரிசியை அரைத்து எடுக்கவும்.பின்பு உளுந்து வெந்தயம் சேர்த்து அரைத்து வைக்கவும்.

உளுந்து அரிசி இரண்டையும் நன்கு கலந்து உப்பு சேர்த்து 12 மணி நேரம் புளிக்க வைக்கவும்.

சீரகம் மிளகு சுக்கு பொடி கறிவேப்பிலையை நறுக்கி தனியே எடுத்து வைத்து பின்பு மாவுடன் சேர்க்கவும்.

ஒவ்வொன்றாக மாவுடன் சேர்த்து நன்கு கலக்கவும்

உடன் நல்லெண்ணெய் சேர்த்து கலக்கவும்.

காஞ்சிபுரம் இட்லி யில் வாழை இலை அல்லது மந்தாரை இலை பயன்படுத்துவார்கள். அதனால் வாழை இலையினை நம் விருப்பத்திற்கு இணங்க மடித்து வைக்க தீயில் காய்ச்சவும். பின் டம்ளர் அல்லது உயரமான கப்பில் கீழும்....சுற்றுப் புறங்களிலும் படும்படி வைக்கவும்.

கலந்து வைத்துள்ள மாவினை இலையில் முக்கால் பாகம் இருக்கும்படி ஊற்றவும்.

மாவு டம்ளரை இட்லி பாத்திரத்தில் அளவான தண்ணீரில் வைக்கவும்.

இதனை மிதமான தீயில் 15 முதல் 20 நிமிடம் வேகவிடவும்.

வேகவைத்த டம்ளர்-களை ஒரு தட்டத்தில் வைத்து 2 நிமிடம் ஆற விட்டு மெதுவாக இலையை உருவி இட்லியை எடுக்கவும்.

மணமான காஞ்சிபுரம் இட்லி தயார்..... இதனை காரச் சட்னி அல்லது தேங்காய் சட்னியுடன் சேர்த்து சுவைக்கலாம்.