1படி பச்சரிசி எடுத்து வைக்கவும். 1 ஆழாக்கு உளுந்து பருப்பை வெறும் கடாயில் நன்கு வறுத்து விடவும். 1 கை அளவு பொட்டுக்கடலையை வறுத்து விடவும்.இவை அனைத்தையும் ஒன்றாக சேர்த்து மெஷினில் கொடுத்து நைசாக அரைத்து விடவும். அரைத்த மாவை சலித்து ஆறவிடவும். தேவையான அளவு உப்பு வெள்ளை எள்ளு 4 டேபிள் ஸ்பூன், பெருங்காயத்தூள் 1/2 டீஸ்பூன் சேர்த்து நன்கு கலக்கி விடவும். தேன்குழல் முறுக்கு சுடுவதற்கு தேவையான மாவை எடுத்து தண்ணீர் விட்டு பிசைந்து வைக்கவும்.

கடாயில் முறுக்கு பொரிப்பதற்கு தேவையான ஆயில் சேர்த்து சூடேற்றவும். 2 டேபிள் ஸ்பூன் அளவு சூடான ஆயிலை மாவில் சேர்த்து பிசையவும். தேன்குழல் முறுக்கு அச்சில் மாவை நிரப்பி முறுக்காக பிழிந்து ஆயில் காய்ந்தவுடன் சேர்த்து இருபுறமும் பொன்னிறமாக பொரித்து எடுக்கவும்.

இருபுறமும் திருப்பி பொன்னிறமாக சுட்டு எடுக்கவும். கடாயில் இருக்கும் எண்ணெயின் சலசலப்பு அடங்கியவுடன் எடுத்துவிடவும். சுவையான தேன்குழல் முறுக்கு ரெடி😄😄