ஒரு கப் மொச்சை பயறை 8 மணி நேரம் ஊறவைத்து எடுத்துக்கொள்ளவும்.பிறகு அதை குக்கரில் போட்டு 2 கப் தண்ணீர் ஊற்றி 5 விசில் விட்டு வேக வைத்து எடுத்துக் கொள்ளவும்.

பிறகு அரை கப் தேங்காய் துருவல்,சோம்பு, சீரகம், பட்டை, கிராம்பு, 5 சின்ன வெங்காயம் எல்லாவற்றையும் ஒரு மிக்ஸி ஜாரில் போட்டு அரை டம்ளர் தண்ணீர் ஊற்றி நைஸாக அரைத்துக் கொள்ளவும்.

அடுப்பில் ஒரு கடாயை வைத்து இரண்டு ஸ்பூன் தேங்காய் எண்ணெய் ஊற்றி எண்ணெய் சூடானதும் கடுகு கருவேப்பிலை, பச்சை மிளகாய் போட்டு தாளிக்கவும்.பிறகு பூண்டு பொடியாக நறுக்கிய வெங்காயம் போட்டு வதக்கவும். பிறகு ஒரு ஸ்பூன் இஞ்சி பூண்டு விழுது போட்டு பச்சை வாசனை போகும் வரை வதக்கவும்.

பிறகு பொடியாக நறுக்கிய தக்காளியை அதில் போட்டு நன்கு வதக்கவும்.பிறகு அதில் மல்லித் தூள்,மிளகாய்த் தூள்,மஞ்சள் தூள் போட்டு நன்கு வதக்கவும்.

தக்காளி வெங்காயம் நன்கு வதங்கியதும் வேக வைத்த மொச்சை பயிறை வேக வைத்த தண்ணீருடன் சேர்த்து அதில் ஊற்றவும். பிறகு உப்பு போட்டு அதை 5 நிமிடம் கொதிக்க விடவும்.பிறகு அரைத்து வைத்த தேங்காய் விழுதை அதில் ஊற்றி 1 டம்ளர் தண்ணீர் ஊற்றி 10 நிமிடம் கொதிக்க விடவும்.