அரிசி உளுத்தம்பருப்பு இரண்டும் 6 மணி நேரம் ஊறிய பிறகு கிரைண்டர் அல்லது மிக்சி ஜாரில் கரகரப்பாக மிக கெட்டியாக ஆட்டிக் கொள்ளவும். இரண்டு மணி நேரம் மூடி வைத்து புளிக்கவிடவும். இரண்டு பச்சை மிளகாயை மிக்ஸியில் ஒன்றிரண்டாக ஒட்டிக் கொள்ளவும். அரைத்த மிளகாய், சீரகம், தூள் உப்பு மூன்றையும் அரைத்த மாவில் சேர்த்து கொள்ளவும். மாவில் கொஞ்சமாக தண்ணீர் சேர்த்து அள்ளி வைக்கும் பதத்திற்கு கரைத்துக் கொள்ளவும். மாவு மிகவும் கெட்டியாகவும் இருக்கக் கூடாது மிகவும் தண்ணீராகவும் இருக்கக் கூடாது.

இப்போது ஒரு நான்ஸ்டிக் தவா அல்லது கடாயில் ஒரு டேபிள் ஸ்பூன் எண்ணெய் ஊற்றி சூடானக்பிறகு கையில் மாவை அள்ளி தவாவில் அடை தட்டுவது போல் மொத்தமாக தட்டி விடவும். மூடி வைத்து 3 நிமிடம் வரை வேக விடவும். ஒருபுறம் சிவந்த பின் மறுபுறம் திருப்பி போட்டு மீண்டும் 3 நிமிடம் வேக விடவும்.

வெந்தபின் தட்டில் எடுத்து வைத்து கட் செய்து தேங்காய் சட்னி, வேர்கடலை சட்னி, மாங்காய் ஊறுகாய், அல்லது ஏதாவது ஒரு சட்னியுடன் பரிமாறவும்.