வெள்ளரிக்காயை தோல் சீவி பொடியாக நறுக்கிக்கொள்ளவும். பச்சை மிளகாய், மல்லி இலையை நறுக்கி வைக்கவும்.

ஒரு பௌலில் ஊறவைத்த பருப்பில் கொஞ்சமும் தண்ணீர் இல்லாமல் வடித்து சேர்க்கவும். அத்துடன் தேங்காய் துருவல், நறுக்கி வைத்துள்ள வெள்ளரிக்காய் துண்டுகள், பச்சை மிளகாய், நறுக்கிய மல்லி இலைகள் சேர்க்கவும்.

ஸ்டவ்வில் தாளிப்பு கரண்டி வைத்து எண்ணை ஊற்றி சூடானதும், கடுகு, உளுந்துப்பருப்பு, பெருங்காயம், கறிவேப்பிலை சேர்த்து பொரிந்ததும் பருப்பு, வெள்ளரிக்காய் கலவை வைத்துள்ள பௌலில் சேர்க்கவும்.

எல்லாவற்றையும் நன்கு கலந்து வைத்துக்கொள்ளவும். பரிமாறும் போது எலுமிச்சை சாறு, உப்பு கலந்து பரிமாறவும். இவை இரண்டும் முதலிலேயே சேர்த்தால் அதிகம் தண்ணீர் வர ஆரம்பிக்கும்.