ஒரு பாத்திரத்தின் மேல் வடிகட்டி வைத்து முதலில் தயிரை ஊற்றி ஒரு மணி நேரம் அப்படியே வைக்கவும் அப்போது கையில் இருக்கும் தண்ணீர் வெளியேறி விடும்... அப்படியே தயிரை சேர்த்தால் தயிரில் இருக்கும் நீரானது அல்வா செய்யும் பொழுது வெளிவரும்... மற்றொரு பாத்திரத்தில் சூடான பாலில் சிறிது குங்குமப்பூ சேர்த்து கலந்து 20 நிமிடம் வைக்கவும்

கடாயில் நெய் ஊற்றி எண்ணெய் சூடானதும் குறைந்த தீயில் வைத்து ரவைகளை சேர்த்து கை விடாமல் கிளறிக் கொண்டே இருக்கவும் (அல்வா செய்து முடிக்கும் வரை குறைந்த தீயில் மட்டுமே இருக்க வேண்டும்)

ரவையின் நிறம் மாறி நன்றாக வெந்த பிறகு, இதில் தயாரித்து வைத்திருக்கும் தயிரை சேர்த்து குறைந்த தீயில் கை விடாமல் கிளறிக் கொண்டே இருக்கவும்

தயிர் ரவை நெய்யுடன் சேர்த்து நன்றாக கலந்து கெட்டியாகி வரும் பொழுது இதில் சர்க்கரை சேர்த்து ஒரு முறை கிளறவும்

பிறகு இதில் தயாரித்து வைத்திருக்கும் குங்குமப்பூ பால் கலவையை இதனுடன் சேர்த்து மீண்டும் குறைந்த தீயில் கைவிடாமல் கிளறிக் கொண்டே இருக்கவும்

இப்போது அல்வா பதத்தில் வாணலியில் ஒட்டாமல் அனைத்தும் ஒன்றோடு ஒன்று சுருண்டு வரும் பொழுது அடுப்பை அணைத்து விருப்பப்பட்டால் இதன் மேல் பொடித்த பிஸ்தாவை தூவி பரிமாறவும்

இனிப்பும், புளிப்பும் கலந்த சுவையான தயிர் அல்வா தயார் மற்ற அல்வா போல் இல்லாமல் இது சற்று சுவை கூடுதலாக வித்தியாசமான சுவையில் இருக்கும் நீங்களும் முயற்சித்துப் பாருங்கள்...