சீரக சம்பா அரிசியை இருமுறை கழுவி இரண்டு ஆழாக்கு தண்ணீர் சேர்த்து 10 நிமிடம் ஊறவைக்கவும் ஒரு பெரிய வெங்காயம் நீளவாக்கில் நறுக்கவும். இஞ்சி ஒரு சிறிய துண்டு பூண்டு பத்து பல் சேர்த்து நைசாக அரைத்து வைக்கவும். கனிந்த 4 தக்காளியை மிக்ஸியில் ஜூஸ் எடுத்து வைக்கவும்.

குக்கரை அடுப்பில் வைத்து 3 ஸ்பூன் எண்ணெய் விட்டு காய்ந்ததும் பட்டை கிராம்பு பிரிஞ்சி இலை, சோம்பு சேர்த்து தாளிக்கவும். இஞ்சி பூண்டு பேஸ்ட் சேர்த்துவதக்கவும். நீளவாக்கில் அரிந்த வெங்காயம் சேர்த்து வதக்கவும் வதங்கியதும் தக்காளி விழுது சேர்த்து தேவையான உப்பு மிளகாய்த்தூள் தனியாத்தூள் கரம் மசாலாத்தூள் சேர்த்து நன்கு சுருள வதக்கவும். பச்சை வாசனை போனதும் தண்ணீர் அளந்து ஊற்றி ஊறவைத்த சீரக சம்பா அரிசி அதில் கொட்டி கலந்து விடவும் மூன்று ஸ்பூன் நெய் விடவும்.

நன்கு கலந்துவிட்டு ரைஸ் குக்கரில் வேக விடவும். சுவையான சீரக சம்பா அரிசியில் செய்த தக்காளி பாத் தயார். தயிர் பச்சடியுடன் பரிமாறவும்.