ஒரு டம்ளர் கம்பு எடுத்துக்கொண்டு 20 நிமிடம் ஊற வைத்துக் கொள்ளவும். மூன்று முறை நன்றாக கழுவிக் கொள்ளவும்.

பின்பு மிக்ஸி ஜாரில் போட்டு அரைத்துக் கொள்ளவும்.

பழைய சோறு புளித்த தண்ணீர் 3 டம்ளர் எடுத்துக் கொள்ளவும். பழைய சோறு புளித்த தண்ணீர் இல்லை என்றால் சாதாரண தண்ணீர் எடுத்துக் கொள்ளலாம். சிறிதளவு பழைய சோறு சேர்த்துக் கொள்ளலாம். பழைய சோறு புளித்த தண்ணீர் சேர்த்துக் கொண்டால் கூடுதல் சுவை தரும். உடம்பிற்கு குளிர்ச்சி தரும்.

நான் பழைய சோறு புளித்தண்ணீர் எடுத்துக் கொண்டுள்ளேன். நீங்கள் இல்லை என்றால் சாதாரண தண்ணீர் எடுத்துக் கொள்ளலாம்.

அடுப்பை மிதமான சூட்டில் வைத்து ஒரு இருபது நிமிடம் கிளறி விட்டுக் கொண்டே இருக்கவும்

நன்றாக வெந்த பின்பு பச்சை வாடை போகும் வரை கிளறிக் கொண்டே இருக்கவும். பின்பு ஆற வைக்கவும்

சூடு ஆறவும் புளிப்புக் ஏற்ப தயிர், தேவையான அளவு உப்பு சேர்த்து கரைத்துக் கொள்ளவும்

சிறிதாக நறுக்கிய வெங்காயத்தை அத்துடன் சேர்த்துக் கொள்ளலாம். வெங்காயம் பிடிக்கவில்லை என்றால் வெறும் கூழாக குடித்துக் கொள்ளலாம்.