பரோட்டாக்களை நீளநீளமாக வெட்டி வைத்துக் கொள்ளவும். வெங்காயம் தக்காளி விருப்பப்பட்டால் கேரட் குடைமிளகாய் சேர்த்துக் கொள்ளலாம். இவை அனைத்தையும் பொடியாக நறுக்கி எடுத்துக் கொள்ளவும்.

பேனில் 2 குழிக்கரண்டி அளவு நல்லெண்ணெய் ஊற்றி அதில் ஒரு ஸ்பூன் சோம்பு மற்றும் கருவேப்பிலை தாளித்து கொள்ளவும். அதில் வெங்காயத்தை சேர்த்து அதன் பின் தக்காளி இஞ்சி பூண்டு அரவை சேர்த்து மூன்று நிமிடங்கள் வதக்கவும்.

இந்த பொருட்கள் வதங்கியவுடன் மஞ்சள்தூள் மிளகாய்த்தூள் கரம் மசாலாத்தூள் ஆகியவற்றை சேர்த்து நன்றாக வதக்கவும். அடி பிடிப்பது போல் இருந்தால் கால் டம்ளர் தண்ணீர் கூட சேர்த்து கொள்ளலாம். பின்பு நன்றாக வதங்கியதும் அதில் நறுக்கி வைத்துள்ள பொருட்களை சேர்த்து மசாலாவும் புரட்டவும் ஒன்றோடு ஒன்று நன்றாக சேரும்படி கலக்கவும். சுருள சுருள வதக்கி அடுப்பை அணைத்து விடவும்.

கொத்தமல்லித்தழை தூவி அலங்கரித்து பரிமாறவும்.