மேல் மாவு செய்ய: மைதா உடன் உப்பு சேர்த்து கலந்து உருக்கிய பட்டர் விட்டு நன்றாக கலந்து சிறிது சிறிதாக தண்ணீர் தெளித்து பிசைந்து கொள்ளவும் பின் ஒரு மணி நேரம் வரை ஊறவிடவும்

பூரணம் செய்ய: வெங்காயம் மஷ்ரூம் ஆகியவற்றை பொடியாக நறுக்கி கொள்ளவும்

வாணலியில் எண்ணெய் விட்டு சூடானதும் நறுக்கிய வெங்காயம் சேர்த்து வதக்கவும் பின் இஞ்சி பூண்டு விழுது சேர்த்து வதக்கவும் பின் நறுக்கிய மஷ்ரூம் சேர்த்து வதக்கவும் பின் மிளகாய்த்தூள், கரம் மசாலா தூள், பெருங்காயத்தூள், மிளகுத்தூள், மல்லித்தூள், சீரகத்தூள், சோம்பு தூள், உப்பு, சேர்த்து வதக்கவும் பின் ஐந்து நிமிடம் வரை மூடி வைக்கவும்

பின் திறந்து தேன் மற்றும் தக்காளி சாஸ் சேர்த்து நன்கு கிளறவும்

நன்கு சுருண்டு வரும் வரை கிளறவும் பின் நறுக்கிய கொத்தமல்லி தழை தூவி கிளறி இறக்கவும்

மாவை நன்கு பிசைந்து சின்ன சின்ன உருண்டைகளாக உருட்டி வரமாவில் புரட்டி மெல்லியதாக தேய்க்கவும் பின் ஒரு ரவுண்ட் ஷேப்பில் கட் செய்து கொள்ளவும்

பின் படத்தில் காட்டியவாறு மாவின் ஒரு முனையில் முனையை விட்டு கத்தியால் கீறி விடவும் பின் மறு முனையில் பூரணத்தை வைக்கவும்

பின் மெதுவாக ரோல் செய்யவும் முதலில் பூரணத்தை நன்றாக மடித்து ஒரம் அனைத்தையும் தண்ணீர் தொட்டு நன்றாக ஒட்டி விடவும் பின் கீறிய பகுதியை நோக்கி உருட்டவும் மிகவும் பொறுமையாக உருட்டவும் (படத்தில் காட்டியவாறு) பின் இறுதி மடிப்பை தண்ணீர் தொட்டு பிரிந்து வராமல் நன்றாக ஒட்டி விடவும்

இவ்வாறு தேவையான அளவு செய்து கொள்ளவும் பின் சூடான எண்ணெயில் மெதுவாக போடவும்

ஒருபுறம் வெந்ததும் மெதுவாக திருப்பி விடவும் அடுப்பை மெல்லிய தீயில் வைத்து நிதானமாக வேகவிடவும்

இரண்டு புறமும் நன்கு வேகவிட்டு பொன்னிறமாக பொரித்து எடுக்கவும்

சுவையான ஹனி மஷ்ரூம் ரோல் ரெடி சாப்பிடும் போது தேன் சாஸ் உடைய இனிப்பு மற்றும் காரம் புளிப்பு அனைத்தும் சேர்ந்து மேல் பகுதி மொறுமொறுப்பாக அட்டகாசமாக இருக்கும்