சப்பாத்தி சோயா சங்ஸ் உருளைக்கிழங்கு கறி(Chappathi Soya Chunks Potato Curry recipe in tamil)

1 கப் சோயா சங்ஸ் தண்ணீரில் கழுவி கொதிக்கும் தண்ணீரில் சேர்த்து வேக விட்டு இரண்டு மூன்று முறை தண்ணீரை மாற்றி பிழிந்து வைக்கவும்.

2 உருளைக்கிழங்கை கழுவி நறுக்கி குக்கரில் 2 விசில் வேகவிடவும்.1 பெரிய வெங்காயம் தோல் நீக்கி கழுவி பொடியாக நறுக்கி வைக்கவும் பச்சை மிளகாய்-2 நறுக்கி வைக்கவும்.

1 டீஸ்பூன் இஞ்சி பூண்டு விழுது அரைத்து எடுத்து வைக்கவும். 2 தக்காளியை மிக்ஸி ஜாரில் சேர்த்து அரைத்து வடித்து வைக்கவும். குக்கரில் 2 டீஸ்பூன் நெய், 2 டீஸ்பூன் ஆயில் விட்டு, 1 டீஸ்பூன் சோம்பு தாளித்து விடவும்.

1 துண்டு பட்டை, 2 கிராம்பு தாளித்து நறுக்கிய வெங்காயம், 2 பச்சை மிளகாய் சேர்த்து நன்கு வதக்கவும். 1/2 டீஸ்பூன் மஞ்சள் தூள், உப்பு சேர்க்கவும்.

1 டேபிள் ஸ்பூன் தனியா தூள், 1 டீஸ்பூன் மிளகாய்த்தூள், 1 டீஸ்பூன் கரம்மசாலா சேர்த்து நன்கு கலக்கி கொதிக்க விடவும்.

1/2 டீஸ்பூன் சீரகத்தூள் சேர்க்கவும். அதனுடன் வேக வைத்த சோயா சங்ஸ் மற்றும் தோல் நீக்கிய வெந்த உருளைக்கிழங்கை சேர்த்து நன்கு பிரட்டி விடவும்.1/4 கப் தண்ணீர் விட்டு 1 விசில் குக்கரில் வேக விட்டு, சுருண்டு வரும் பொழுது அடுப்பிலிருந்து இறக்கி விடவும்.

நறுக்கிய கொத்தமல்லித் தழையை மேலே தூவி பரிமாறவும். சப்பாத்தி, பூரி தோசை, இட்லி, சூடான சாதத்திற்கு ஏற்றது.😋😋 சப்பாத்தி செய்வதற்கு: 2 கப் கோதுமை மாவு, உப்பு, தண்ணீர், 2 டீஸ்பூன் ஆயில்விட்டு மாவை பிசைந்து வைக்கவும்.20 நிமிடம் மூடி வைக்கவும். பிறகு சப்பாத்தி தேய்க்கும் கல்லில் சப்பாத்திமாவு ஆக தேய்த்து வைக்கவும்.

தோசைக்கல்லில் ஆயில் விட்டு சப்பாத்தியை இருபுறமும் பொன்னிறமாக சுட்டு எடுக்கவும்.

சுவையான சப்பாத்தி சோயா சங்ஸ் உருளைக்கிழங்கு கறி ரெடி.😋😋