குஸ்கா செய்ய முதலில்,குக்கரில் நெய் மற்றும் எண்ணெய் விட்டு சூடனதும் பட்டை,கிராம்பு,பிரியாணி இலை,கடல்பாசி,பச்சை மிளகாய் சேர்த்து வதக்கவும்.

நறுக்கிய வெங்காயம்,தக்காளி, இஞ்சி,பூண்டு விழுது சேர்த்து வதக்கவும்

தக்காளி நன்றாக வதங்கிய பின்பு மிளகாய் தூள்,கரம் மசாலா சேர்க்கவும்.

மசாலா வாடை போகும் வரை வதக்கவும்.கொத்தமல்லி தழை,புதினா சேர்த்துக் கொள்ளவும்.தேவையான அளவு உப்பு சேர்க்கவும்.

நான் 1 கப் பாசுமதி அரிசி எடுத்துள்ளேன்.அதனால் 1 1/2 கப் தண்ணீர் சேர்த்து கொதிக்கவும்,அரிசியை சேர்த்து உப்பு பார்த்துக் கொள்ளவும்.பின்பு குக்கரை மூடி 1 விசில் விட்டு 10 நிமிடம் அடுப்பை சிம்மில் வைக்கவும்.கேஸ் அடங்கியதும் குக்கரை திறக்கவும்.

சால்னா செய்ய கடாயில் சிறிதளவு எண்ணெய் ஊற்றி சூடனதும் பட்டை,கிராம்பு,சோம்பு, நறுக்கிய வெங்காயம் சேர்த்து வதக்கவும்.

வெங்காயம் நன்றாக வதங்கிய பின்பு பச்சை மிளகாய்,தக்காளி, சிறிதளவு உப்பு சேர்த்து நன்றாக வதக்கவும்.

இஞ்சி,பூண்டு விழுது சேர்த்து நன்றாக வதக்கவும்.பச்சை வாசனை போனவுடன் கொத்தமல்லி தழை,புதினா சேர்க்கவும்.

மஞ்சள் தூள்,மிளகாய் தூள்,கரம் மசாலா சேர்க்கவும்.

பின்பு,சீரகத் தூள் சேர்த்து சிறிதளவு தண்ணீர் சேர்த்து கொதிக்க விடவும்.

தேங்காய் சில் முந்திரி பருப்பு,கசகசா,சிறிதளவு கடல் பாசி சேர்த்து மையாக அரைத்துக் கொள்ளவும்.

தேவையான அளவு உப்பு சேர்த்து,அரைத்து வைத்த தேங்காய் விழுதை சேர்க்கவும்.

சுவையான ஈஸியான சிம்பிள் குஸ்கா மற்றும் சால்னா தயார்.