முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும் கடலைப்பருப்பை இரண்டு மணி நேரம் ஊற வைத்துக் கொள்ளவும்.இப்பொழுது ஒரு மிக்ஸி ஜாரில் ஊறவைத்த கடலைப்பருப்பு தண்ணீர் இல்லாமல் பார்த்துக் கொள்ளவும் இதனுடன் இரண்டு வர மிளகாய் சிறிதளவு கொத்தமல்லி கறிவேப்பிலை தேவையான உப்பு சேர்த்து கொரகொரப்பாக அரைத்து வைத்துக் கொள்ளவும்.

பின்னர் ஒரு தோசைக்கல்லை அடுப்பில் வைத்து இரண்டு டீஸ்பூன் எண்ணெய் விட்டு அரைத்த மாவை ரொட்டி போன்று கையினால் எடுத்து தட்டி விடவும் படத்தில் காட்டியவாறு செய்யவும் வடை மாதிரி பொருட்கள் தேவை இல்லை. இருபுறமும் மிதமான தீயில் வைத்து நன்றாக வேக வைத்து எடுக்கவும். இதை சிறு சிறு துண்டுகளாக கையினால் பிச்சு வைத்தால் போதுமானது.பின்னர் ஒரு குக்கரில் 3 டீஸ்பூன் எண்ணெய் விட்டு காய்ந்ததும் அதில் எடுத்து வைத்துள்ள பட்டை வகைகள் சேர்த்து பொரியவிடவும் பின்னர் பொடியாக நறுக்கிய வெங்காயம் சேர்த்து நன்றாக வதக்கவும்.

வெங்காயம் நன்றாக வதங்கியதும் பச்சை மிளகாய் இஞ்சி பூண்டு விழுது தக்காளி ஆகியவற்றை ஒன்றன்பின் ஒன்றாக சேர்த்து நன்றாக பச்சை வாசனை போகும் வரை வதக்கவும்.கொத்தமல்லி புதினா இலை சேர்த்து பின்னர் எடுத்து வைத்துள்ள மசாலா தூள்களை சேர்த்து நன்றாக வதக்கவும் இரண்டிலிருந்து மூன்று கப் தண்ணீர் சேர்த்து நன்றாக கொதிக்கவிடவும் இப்பொழுது தேவையான உப்பு கறிவேப்பிலை சேர்த்துக் கொள்ளவும். நன்றாக கொதி வந்ததும் எடுத்து வைத்துள்ள கடலை மாவு வடையை சேர்த்து குக்கர் மூடி போட்டு 2 விசில் வைத்து இறக்கவும்.

தோசைக்கல்லில் இந்த ரொட்டி போல வேக விட்டு பின்னர் குக்கரில் இரண்டு விசில் வைக்கும்போது அந்த வடகரி நன்றாக வெந்து குழம்பு நன்றாக திக்கான பதத்தில் கிடைக்கும் வேலை சுலபமாக முடியும். இதை மாவை வடை போல் பொரித்தும் எடுக்கலாம் அல்லது இட்லித் தட்டில் வைத்து வேக வைத்தும் எடுக்கலாம்.இறுதியாக சிறிதளவு கொத்தமல்லி இலை தோசை மாவில் சிறிதளவு மஞ்சள் தூள் சேர்த்து சிறிய அளவு ஊத்தாப்பம் போல் ஊற்றி 2 தோசைக்கு நடுவில் வடகறி வைத்து சாப்பிட செட் தோசை வடகறி தயார். நன்றி ஹேமலதா கதிர்வேல்.