ஒரு பாத்திரத்தில் கோதுமை மாவு,தேவையான அளவு உப்பு சேர்த்து பிசையவும்.

சப்பாத்திக்கு பிசைவது போல் பிசையவும். ஒரு ஐந்து நிமிடம் ஊற வைக்கவும்.

ஒரு கடாயில் சிறிதளவு எண்ணெய் ஊற்றி பட்டை கிராம்பு கடல்பாசி சேர்த்து பொரிக்கவும். சோம்பு சேர்த்து நன்றாக பொரிந்த பின்பு நறுக்கிய வெங்காயத்தை சேர்த்து வதக்கி கொள்ளவும்.

இந்த பச்சை மிளகாய் தக்காளி இஞ்சி-பூண்டு விழுது சேர்த்து நன்றாக வதக்கிக் கொள்ளவும். குழந்தைகளுக்கு பிடித்தமான காய்கறிகள் சேர்த்துக் கொள்ளலாம்

தக்காளி நன்றாக வதங்க சிறிதளவு உப்பு சேர்த்து கொள்ளவும். நன்றாக தக்காளி வதங்கியதும் கொத்தமல்லி இலை புதினா இலை சேர்த்து கொள்ளவும். மஞ்சள்தூள் சேர்த்துக் கொள்ளவும்.

காரத்திற்கு ஏற்ப மிளகாய்த்தூள், மல்லித்தூள், கரம் மசாலா தூள் சேர்த்துக் கொள்ளவும் மசாலா வாடை போகும் வரை நன்கு வதக்கி கொள்ளவும். பின்பு சிறிதளவு தண்ணீர் ஊற்றி கொதிக்க விடவும்.

ஒரு ஸ்பூன் கடலை மாவை கால் டம்ளர் தண்ணீர் விட்டு நன்றாக கரைத்து மசாலாவுடன் சேர்த்துக் கொள்ளவும்.

சிறிதளவு தேங்காய் முந்திரி பருப்பு கசகசா சேர்த்து மையாக அரைத்துக் கொள்ளவும். அரைத்த விழுதை சேர்த்துக் கொள்ளவும்.

நன்றாக கொதிக்க விடவும் இப்பொழுது சுவையான சால்னா தயார். பரோட்டா செய்வது எப்படி என்று பார்ப்போம்.

சப்பாத்தி மாவை சிறு உருண்டையாக எடுத்து சப்பாத்திக்கு தேய்ப்பது போல் இல்லாமல் மெல்லியதாகத் தேய்த்துக் கொள்ளவும். பிறகு நடுவில் எண்ணெய் தடவிக் கொள்ளவும்.

படத்தில் காட்டியவாறு மின்விசிறி மடக்குவது போல் மடக்கி உருட்டிக் கொள்ளவும்.

படத்தில் காட்டியவாறு நன்றாக உருட்டி நடுவில் அழுத்தம் கொடுக்கவும்.

மீண்டும் மாவில் புரட்டி சப்பாத்திக்கு தேய்ப்பது போல் தேய்த்துக் கொள்ளவும்.

பின்பு, தோசைக்கல்லில் சுட்டுக் கொள்ளவும். சுவையான கோதுமை பரோட்டா சால்னா தயார்.