ஆப்பிளை தோல் சீவி பொடியாக நறுக்கி அரை எலுமிச்சை பழ சாரை அதன்மேல் பிழிந்து கலந்து வைக்கவும்.

ஏழு முந்திரிப் பருப்பை 2 மணி நேரம் அரை கப் தண்ணீரில் ஊற வைத்து மிக்ஸியில் நைசாக அரைத்து வைக்கவும். இதுதான் முந்திரி பால்

ஒரு மிக்ஸி ஜாரில் பொடியாக நறுக்கிய ஆப்பிள் துண்டுகள் அரை கப் தேங்காய் எண்ணெய் மற்றும் அரை கப் வெல்லம் சேர்க்கலாம் அதனுடன் அரை டீஸ்பூன் பட்டை பொடி ஜாதிக்காய் பொடி ஒரு சிட்டிகை உப்பு சேர்த்து விழுதாக அரைத்து வைக்கவும்

ஒரு பௌலில் கோதுமை மாவு பேக்கிங் பவுடர் மற்றும் பேக்கிங் சோடா சேர்த்து சலித்து எடுத்து வைக்கவும். அதில் மிக்ஸியில் அரைத்த கலவையை சேர்த்து, அதனுடன் அரைத்து வைத்த முந்திரி பால் சேர்த்து கட்டியில்லாமல் கலந்து கொள்ளவும்.(கேக் மாவு சிறிது கெட்டியாக இருந்தால் அதனுடன் இன்னும் கால் கப் முந்திரி பால் சேர்த்துக் கொள்ளவும்)

கேக் செய்ய போகும் பாத்திரத்தில் நன்கு கிரீஸ் செய்து கலந்த கலவையை ஊற்றி, குக்கரில் ஒரு stand வைத்து அதன் மேல் அந்த பாத்திரத்தை வைத்து 30 முதல் 45 நிமிடம் பேக் செய்து எடுக்கவும்.மிகவும் மிதமான தீயில் பேக் செய்யவும்.