ஒரு பாத்திரத்தில் கருப்பு உலர்ந்த திராட்சை, செர்ரி, நட்ஸ், பேரிச்சம்பழம் மற்றும் திராட்சை ஜூஸ் சேர்த்து கலக்கவும். இதனை மூடி வைத்து இரண்டு நாட்கள் ஊறவிடவும்.

ஒரு சாஸ் பேனில் 1/2 கப் சர்க்கரை மற்றும் அதில் பாதி தண்ணீர் சேர்த்து கொதிக்க வைக்கவும். சர்க்கரை கேரமல் ஆனவுடன் அரை கப் கொதிக்கும் தண்ணீர் சேர்த்து கலந்து தனியே வைக்கவும்.

ஒரு மிக்ஸிங் பவுலில் 3 முட்டை சேர்க்கவும், உருக்கிய வெண்ணெய் 3/4 கப் சர்க்கரை சேர்க்கவும்.

பட்டை, கிராம்பு, ஏலக்காய், கால் கப் சர்க்கரை சேர்த்து நன்கு அரைத்துக் கொள்ளவும்.இதனை முட்டை கலவையுடன் சேர்த்து நன்கு கலந்து விடவும்.

ஒரு கப் மைதா மாவு, பேக்கிங் பவுடர், பேக்கிங் சோடா மற்றும் உப்பு இவற்றை சலித்து முட்டை கலவையுடன் சேர்க்கவும். கூடவே வெனிலா எசன்ஸ், ஆரிய கேரமல் சிரப் இதனை சேர்க்கவும்.

இதில் ஊற வைத்த டிரை ஃப்ரூட்ஸ் மற்றும் நட்ஸ் இவற்றை சேர்த்து நன்கு கலந்து விடவும். 12 இன்ச் கேக் டின்னை கிரீஸ் செய்து பட்டர் பேப்பர் அடியில் வைக்கவும்.இதில் கேக் கலவையை ஊற்றி 10 நிமிடம் பிரீஹீட் செய்த ஓவனில் 30 முதல் 40 நிமிடங்கள் வரை பேக் செய்யவும் (180 டிகிரி)

கேக் ஆரிய பின் அன்மோல்ட் செய்து தேவையான வடிவில் வெட்டி சுவைக்கலாம்.

ஆரோக்கியம் மிக்க இந்த ட்ரை ஃப்ரூட்ஸ் கேக்கை நீங்களும் செய்து பாருங்கள். கிறிஸ்துமஸ் பண்டிகையின் போது இதை அதிகம் செய்வார்கள்.