அரைத்து விட்ட துவரைக்கா சாம்பார் (Thuvaraikkai sambar recipe in tamil)

1 கப் துவரைக் காயை தோல் நீக்கி கழுவி குக்கரில் தண்ணீர் விட்டு 2 விசில் வேக வைத்து தண்ணீரை வடித்து விடவும்.

1/4 கப் துவரம்பருப்பை வேக வைத்து எடுத்து வைக்கவும்.15 சின்ன வெங்காயம் தோல்நீக்கி கழுவி எடுத்து வைக்கவும்.

1 எலுமிச்சை அளவு புளியை தண்ணீரில் ஊற விடவும் கடாயில் 2 டீஸ்பூன் ஆயில் விட்டு, 1டீஸ்பூன் கடுகு, 1 வரமிளகாய் கிள்ளியது, சிறிது கறிவேப்பிலை தாளித்து சின்ன வெங்காயம், தக்காளி சேர்த்து நன்கு வதக்கி விடவும். 1 டீஸ்பூன் கடலை பருப்பு, 2 டேபிள் ஸ்பூன் தேங்காய் துருவல், 4 வர மிளகாய், 1 டேபிள்ஸ்பூன் தனியா, 1 டீஸ்பூன் சீரகம், 1/2 டீஸ்பூன் மிளகு, சிறிது அரிசி, 4 சின்ன வெங்காயம் எடுத்து வைக்கவும்.

கடாயில் 2 டீஸ்பூன் ஆயில் விட்டு, கடலை பருப்பு, தனியா, சீரகம், மிளகு அரிசி, தேங்காய் துருவல் சின்ன வெங்காயம், வரமிளகாய், அனைத்தும் சேர்த்து நன்கு வறுத்து ஆற விட்டு மிக்ஸியில் சேர்த்து நைசாக அரைத்து விடவும்.

வதக்கிய வெங்காயம் தக்காளியை வெந்த துவரம்பருப்பில் சேர்க்கவும். வேகவைத்த துவரைக் காயையும் சேர்க்கவும். அரைத்து வைத்த விழுது, உப்பு சேர்த்து நன்கு கலக்கி விடவும்.

இவை அனைத்தையும் சேர்த்து குக்கரில் ஒரு விசில் வேகவிடவும். ஊற வைத்த புளியை கரைத்து 1/2கப் அளவு லைட்டாக சேர்த்து கொதிக்கவிடவும்.

நறுக்கிய கொத்தமல்லி தழையை மேலே தூவி பரிமாறவும். சுவையான அரைத்து விட்ட துவரைக்கா சாம்பார் ரெடி.😋😋