1கப் முளைகட்டிய தானிய பயிரை கழுவி குக்கரில் சேர்த்து, தண்ணீர் விட்டு 2 விசில் வேகவிடவும்.

1 பெரிய வெங்காயம் பொடியாக நறுக்கி வைக்கவும். 2 தக்காளியை நறுக்கி மிக்ஸியில் சேர்த்து அரைத்து ஜூஸாக எடுத்து வைக்கவும்.

ஒரு தட்டில், 1டீஸ்பூன் கடலை பருப்பு, 1டீஸ்பூன் தனியா, 4 பல் பூண்டு, 1 பெரிய துண்டு இஞ்சி, 1துண்டு பட்டை, 2 கிராம்பு, சிறிதளவு கொத்தமல்லி தழை, 3 டேபிள்ஸ்பூன் தேங்காய் துருவல் எடுத்து வைக்கவும். 2 டீஸ்பூன் ஆயில் விட்டு, தட்டில் எடுத்து வைத்த அனைத்தையும் நன்கு வதக்கவும்.

தேங்காய் துருவல் சேர்த்து ஆற விட்டு மிக்ஸி ஜாரில் சேர்த்து நைசாக அரைத்து விழுதாக எடுத்து வைக்கவும்.

கடாயில் 2 டீஸ்பூன் நெய், 2 டீஸ்பூன் ஆயில் விட்டு 1/2 டீஸ்பூன் கடுகு, 1/2 டீஸ்பூன் சீரகம், 1 டீஸ்பூன் உளுந்து பருப்பு, 1 டீஸ்பூன் கடலை பருப்பு பொன்னிறமாக தாளித்து நறுக்கிய வெங்காயம் சேர்த்து வதக்கி தக்காளி ஜூஸை சேர்க்கவும்.

அதனுடன் 1/2 டீஸ்பூன் மஞ்சள் தூள், 1 டீஸ்பூன் மிளகாய்த்தூள், உப்பு சேர்த்து கலக்கி விட்டு, வெந்த முளைகட்டிய தானிய பயிறு, அரைத்த விழுதையும் சேர்த்து கலக்கிவிடவும்.

நன்கு கலக்கிவிட்டு, அடுப்பை சிம்'மில் வைத்து வேகவிடவும். அடிக்கடி கிளறவும். பயிறு குழயாமல் கவனமாக பார்த்துக் கொள்ளவும்.

சுவையான முளைக்கட்டிய தானிய பயிறு குருமா ரெடி😋😋 சப்பாத்தி, பூரி, தோசைக்கு ஏற்றது.