கோதுமை  கேக் (Wheat Cake recipe in Tamil)

ஒரு கடாயில் சிறிய ஸ்டாண்ட் வைத்து மூடி போட்டு பத்து நிமிடங்கள் குறைவான தீயில் வைத்து ப்ரீ ஹிட் செய்து கொள்ளவும். ஒரு பாத்திரத்தில் வெதுவெதுப்பான பால் ஊற்றி முந்திரி,பாதாம்,டேட்ஸ் மற்றும் வெல்லம் சேர்த்து பத்து நிமிடங்கள் ஊற வைத்து மிக்ஸியில் ஊற்றி நன்கு அரைத்துக் கொள்ளவும்.

ஒரு அகலமான பாத்திரத்தில் மேல் சல்லடை வைத்து கோதுமை மாவு பால் பவுடர் பேக்கிங் பவுடர் பேக்கிங் சோடா மற்றும் பட்டை பொடி சேர்த்து நன்கு சலித்து அரைத்து வைத்துள்ள கலவையில் சேர்த்து நன்கு கட்டியில்லாமல் கிளறிக் கொள்ளவும்.

அதனுடன் எண்ணெய் சேர்த்து நன்கு கலக்கிக் கொள்ளவும். கேக் செய்யும் பாத்திரத்தில் சிறிதளவு எண்ணெய் ஊற்றி சுற்றிலும் தடவிக்கொண்டு கலந்துள்ள கலவையை ஊற்றி கொள்ளவும்.

இதன் மேல் முந்திரி மற்றும் பாதாம் வைத்து அலங்கரித்துக்கொண்டு கடாயில் உள்ளே வைத்து 50 நிமிடங்கள் குறைவான தீயில் வைத்து வேக விடவும்.

ஐம்பது நிமிடங்கள் கழித்து பல் குத்தும் குச்சியை வைத்துக் வெந்ததை சரி பார்த்து அடுப்பை அணைத்து நன்கு ஆற விட்டு பிறகு தட்டிற்கு மாற்றினால் சுவையான மற்றும் சத்தான கோதுமை கேக் தயார்.