பீர்க்கங்காயை தோல் சீவி கழுவி பொடியாக சிறு சிறு துண்டுகளாக நறுக்கி எடுத்துக் கொள்ளவும்

பாசிப் பருப்பை கழுவி அது மூழ்கும் அளவு தண்ணீர் விட்டு குக்கரில் வைத்து அதனுடன் பீர்க்கங்காய் சேர்த்து 2 விசில் விடவும்

பிறகு குக்கரை திறந்து வெந்த பருப்பு, காயுடன் பொடிதாக அரிந்த வெங்காயத்தையும் அதில் சேர்த்து பச்சை மிளகாயையும் இரண்டாகக் கீறி சேர்க்கவும்

தேங்காய் துண்டு டன் சீரகம், மஞ்சள் தூள் சேர்த்து சிறிது தண்ணீர் விட்டு நைஸாக அரைத்து விழுதாக எடுக்கவும். இந்த விழுதினை காயுடன் சேர்க்கவும்

பிறகு கூட்டுக்கு தேவையான அளவு உப்பு சேர்த்து கரண்டியால் கிளறி விட்டு ஒரு கொதி விடவும். கொதி வந்ததும் அடுப்பை மிதமான தீயில் ஐந்து நிமிடங்கள் வைத்திருக்கவும்

இப்போது கூட்டு சற்று வற்றி (semi solid) வந்ததும் வேறு பாத்திரத்திற்கு மாற்றவும்.

மற்றொரு சிறு கடாயில் சிறிதளவு எண்ணெய் விட்டு காய்ந்ததும் கடுகு, சீரகம், கறிவேப்பிலை தாளித்து கூட்டுடன் சேர்த்து கிளறவும்

சத்தான பாசிப்பருப்பு பீர்க்கங்காய் கூட்டு தயார்.