ஒரு பாத்திரத்தில் தண்ணீர் சேர்த்துக் கொள்ள வேண்டும். தண்ணீர் கொதித்த பிறகு தக்காளி மற்றும் முந்திரியை சேர்த்து நன்கு வேகவிட வேண்டும். தோல் உரிந்து வரும் பொழுது அடுப்பை அணைத்து விட வேண்டும்.

தக்காளி மற்றும் முந்திரியை எடுத்து ஒரு தட்டில் மாற்றி ஆற விட வேண்டும்.

ஒரு கடாயில் பாதி வெண்ணெய் சேர்த்துக் கொள்ள வேண்டும். வெண்ணை உருகிய உடன் வெங்காயம் சேர்த்து கண்ணாடி பதத்தில் வதக்கிக் கொள்ள வேண்டும்.

ஆறவைத்த தக்காளியின் தோல்களை நீக்கி தக்காளி, முந்திரி மற்றும் வதக்கிய வெங்காயத்தை மிக்ஸியில் சேர்த்து அரைத்து பேஸ்ட் போல் எடுத்துக் கொள்ள வேண்டும்.

மீண்டும் ஒரு கடாயில் பாதி வெண்ணெய் சேர்த்து அதனுடன் மிளகாய்த்தூள் சேர்த்து வதக்கிய பிறகு அரைத்த தக்காளி, வெங்காயம், முந்திரி கலவையை சேர்த்துக் கொள்ள வேண்டும்.

பிறகு இதனுடன் கரம் மசாலா, இஞ்சி பூண்டு பேஸ்ட் மற்றும் மல்லித் தூள் சேர்த்துக் கொள்ள வேண்டும்.

பிறகு சர்க்கரை சேர்த்து நன்கு கலந்த பிறகு தேவையான அளவு உப்பு சேர்த்து நன்கு கொதிக்க விட வேண்டும்.

மசாலா வாடை அடங்கிய பிறகு பன்னீர் துண்டுகளை சேர்த்து பத்து நிமிடங்கள் வேகவிட வேண்டும். பிறகு கசூரி மேத்தியை அதாவது காய்ந்த வெந்தய இலையை இரண்டு கைகளுக்கு இடையில் வைத்து தேய்த்து சேர்த்துக் கொள்ள வேண்டும்.

இறுதியாக சிறிதளவு பிரஷ் கிரீம் சேர்த்து நன்கு கலந்து பரிமாறவும்.