அடுப்பில் பாத்திரம் வைத்து பட்டர் சேர்த்து சூடானதும்,நீளமாக நறுக்கிய பெரிய வெங்காயம் கீறிய பச்சை மிளகாய் சேர்த்து வதக்கவும். வெங்காயம் வதங்கிய பின் இஞ்சி பூண்டு விழுது சேர்த்து வதக்கவும். அதன் பின் கழுவி வடித்த சிக்கன் சேர்த்து வதக்கவும்.

கூடவே சிறிது உப்பு சேர்த்துக் கொள்ளவும். சிக்கன் நிறம் மாறி வெள்ளை நிறமாகும் வரை வதக்கவும். அதன் பின் தயிர் சேர்த்து கலந்து விடவும். மூடி போட்டு சிறு தீயில் 10 நிமிடம் வேக விடவும்.

பிறகு சீரகத் தூள், மிளகு தூள், மல்லி தூள் மற்றும் கரம் மசாலா தூள் சேர்க்கவும். கலந்தபின் கால் கப் தண்ணீர் சேர்த்து மூடி போட்டு மேலும் 10 நிமிடங்கள் சிறு தீயில் வேகவிடவும்.

அதன்பிறகு முந்திரியை அரை மணி நேரம் சுடுதண்ணீரில் ஊற வைத்து அரைத்து விழுதாக சிக்கனில் சேர்க்கவும். கூடவே ஃப்ரெஷ் க்ரீம் சேர்த்து கலந்து விடவும்.

வறுத்த கசூரி மேத்தி உள்ளங்கையில் வைத்து நசுக்கி சிக்கனில் சேர்க்கவும்.இதனை கலந்து விட்டு நறுக்கிய கொத்தமல்லி இலைகளை தூவவும். உப்பு சரி பார்த்துக் கொள்ளவும். இரண்டு நிமிடத்தில் அடுப்பை அணைத்து விடவும்.