வெங்காயம், பூண்டு,மற்ற பொருட்களை தயாராக எடுத்து வைக்கவும். கத்தரிக்காயை காம்பு பகுதியை விட்டு விட்டு முன் பகுதியில் நான்கு அல்லது ஆறு கட் செய்யவும். தண்ணீரில் போட்டு வைக்கவும். புளி தண்ணீர் கரைத்து வைத்துக் கொள்ளவும்.

ஒரு வாணலியில் நால்லெண்ணை சேர்த்து சூடானதும் எல்லா மசாலாக்கள்,வெங்காயம், பூண்டு,கறிவேப்பிலை சேர்த்து பொன்னிறமாக வதக்கவும். ஆறவிடவும் பிறகு மிக்ஸியில் தேங்காய் துண்டுகள், மஞ்சள் தூள் சேர்த்து கொஞ்சம் தண்ணீர் சேர்த்து விழுதாக அரைக்கவும்.

பின்னர் வாணலியை ஸ்டவ்வில் வைத்து நல்லெண்ணெய் சேர்த்து சூடானதும்,நறுக்கி வைத்துள்ள கத்தரிக்காயை சேர்த்து நன்கு வதக்கவும். கத்தரிக்காய் நன்கு வதங்கியதும்,அரைத்து வைத்துள்ள மசாலா விழுதை சேர்த்து வதக்கவும். எண்ணெய் பிரிந்து வரும் வரை காத்திருக்கவும். பின்னர் புளித் தண்ணீர்,உப்பு சேர்த்து நன்கு கலந்து வேகவிடவும்.

நன்கு வெந்து குழம்பு கெட்டியாகி,எண்ணெய் பிரியத் தொடங்கும்போது இறக்கி,கடுகு, கறிவேப்பிலையை தளித்து சேர்த்தால் எண்ணெய் கத்தரிக்காய் குழம்பு தயார்.