புதிய சிறிய சைஸ் பிஞ்சு கத்திரிக்காய் ஐ படத்தில் காட்டியுள்ளவாறு தலை பக்கம் நான்காக பிளந்து கொள்ளவும். அரிசி களைந்த தண்ணீரில் எல்லா கத்தரிக்காயையும் இவ்வாறு அறிந்து போடவும். ஒரு முழு பூண்டை தோல் உரித்து வைத்துக் கொள்ளவும். சிறிய வெங்காயம் 15 தோல் உரித்து இரண்டாக அரிந்து வைத்துக்கொள்ளவும்.

வறுத்து அரைக்க தேவையான பொருட்களை மேற்கூறிய அளவுகளில் தயாராக எடுத்துக் கொள்ளவும். துருவிய தேங்காய் எடுத்துக் கொள்ளவும். புளியை ஊற வைத்துக் கரைத்து கொள்ளவும்.ஒரு வாணலியில் ஒரு ஸ்பூன் எண்ணெய் சேர்த்து அதில் வறுக்க எடுத்து வைத்த அனைத்து பொருட்களையும் சேர்த்து சிவக்க வறுத்துக்கொள்ளவும்.

இதனுடன் கடைசியாக தேங்காய் துருவல் சேர்த்து வருத்து கொள்ளவும்.

மஞ்சள் தூள் சாம்பார் தூள் உப்பு மூன்றையும் எடுத்து வைத்துக் கொள்ளவும். ஒரு அடி கனமான வாணலியில் அரை கப் வரை நல்லெண்ணெய் சேர்த்து சூடான பிறகு அதில் சிறிய வெங்காயம் மற்றும் பூண்டை சேர்த்து வாசம் வர வறுக்கவும். கருவேப்பிலை சிறிது சேர்த்துக் கொள்ளவும்.

எடுத்து வைத்த மஞ்சள் தூள் உப்பு மற்றும் சாம்பார் தூள் மூன்றையும் அதனுடன் சேர்த்து வாசம் வர சிவக்க வறுக்கவும். பிறகு அறிந்து வைத்த கத்தரிக்காயை சேர்த்து உடையாமல் லேசாக நிறம் மாற வதக்கவும்.

தேவையான அளவு தண்ணீர் சேர்த்து மூடி வைத்து கத்தரிக்காயை வேக விடவும். இதற்கிடையில் வறுத்து அரைத்து வைத்த பொருட்களை மிக்ஸியில் சேர்த்து நைஸாக அரைத்துக் கொள்ளவும்

காய் வெந்தவுடன் அதில் கரைத்து வைத்த புளி தண்ணீர் சேர்த்து கொதிக்கவிடவும்.பிறகு அரைத்து வைத்த விழுதை சேர்த்து நன்கு கலந்து ஒரு கொதி விடவும். கடைசியாக வெல்லம் அல்லது சர்க்கரை சேர்க்கவும். தாளிப்பு பொருட்களை தாளித்து சேர்க்கவும். கொத்தமல்லித்தழை சேர்த்துக் கொள்ளவும். சுவையான எண்ணெய் கத்திரிக்காய் குழம்பு தயார். சாதத்துடன் சாப்பிட சுவையாக இருக்கும். இதற்கு பொட்டுக்கடலை பூண்டு துவையல் தொட்டுக் கொள்ள சுவையாக இருக்கும்.