முதலில் கடலைப்பருப்பை அரை மணி நேரம் ஊற வைக்கவும், மிக்ஸியில் ஊற வைத்த கடலைப் பருப்பை, சோம்பு, வரமிளகாய், உப்பு, இஞ்சி துண்டு, மற்றும் பட்டை தூள், கிராம்பு சேர்த்து தண்ணீர் சேர்க்காமல் கொரகொரப்பாக அரைத்துக் கொள்ளவும்.

பிறகு அரைத்த பருப்புடன் பொடியாக நறுக்கிய கீரை, புதினா இலை சேர்த்து கலந்து கொள்ளவும். வடை போல் தட்டி வைக்கவும். அடுத்தது ஒரு கடாயில் எண்ணெய் சேர்த்து பொரித்து எடுக்கவும்.

அடுத்தது ஒரு பெரிய வட சட்டியில் எண்ணெய் சேர்த்து சூடானதும் பிரியாணி இலை, பட்டை, கிராம்பு,ஏலக்காய், அன்னாசிப்பூ,சேர்த்து தாளிக்கவும். நறுக்கிய பெரிய வெங்காயத்தை சேர்த்து வதங்கிய பிறகு இஞ்சி பூண்டு விழுது, பச்சை மிளகாய் சேர்த்து வதக்கவும். பச்சை வாசனை போன பிறகு தக்காளி மசியும் வரை வேக வைக்கவும்.

பிறகு மிக்ஸியில் தேங்காய், சோம்பு, முந்திரிப்பருப்பு சேர்த்து மைய அரைத்து வைக்கவும். தக்காளி மஹிந்த பிறகு மஞ்சள்தூள், தனியாத்தூள், மிளகாய்த்தூள், சேர்த்துக் கொள்ளவும். மசாலா பச்சை வாசனை போன பிறகு சிறிதளவு தண்ணீர் சேர்த்து ஒரு கொதி விடவும்.

ஒரு கொதி வந்த பிறகு அரைத்த தேங்காய் விழுதை சேர்க்கவும். தேவையான அளவு தண்ணீர் சேர்த்துக் கொள்ளவும். உப்பு சரி பார்த்து தேவையான அளவு சேர்த்துக் கொள்ளவும். நன்கு கொதித்த பின் பொறித்த வடையை இதில் சேர்க்கவும். இதனை சிறு தீயில் 4 நிமிடங்கள் கலந்து விடவும். எண்ணெய் மேலே வந்த பின் நறுக்கிய கொத்தமல்லி இலை சேர்த்து கலந்து அடுப்பை அணைக்கவும். சிறிது நேரம் மூடி வைக்கவும்.

இதோடு இட்லி, தோசை, இடியாப்பம் சாப்பிட நன்றாக இருக்கும்.
{கீரை வடகறி தயார்.}