1/2 கட்டு சிவப்பு பொன்னாங்கண்ணி கீரையை கழுவி நறுக்கி வைக்கவும்.1/4 கப் துவரம்பருப்பை குக்கரில் மூன்று விசில் வேகவிட்டு எடுத்து வைக்கவும். 1 தக்காளி, 20 சின்ன வெங்காயம், 10 பல் பூண்டு,தோல் நீக்கி கழுவி பொடியாக நறுக்கி வைக்கவும்.

கடாயில் 2 டீஸ்பூன் ஆயில் 1 டீஸ்பூன் நெய் சேர்த்து 1/2டீஸ்பூன் கடுகு, 1/2 டீஸ்பூன் சீரகம், 1/2 டீஸ்பூன் உளுந்து பருப்பு சிறிது கடலை பருப்பு, 1 வரமிளகாய் கிள்ளியது சேர்த்து தாளித்து நறுக்கி வைத்த வெங்காயம் பூண்டு, தக்காளி சேர்த்து நன்கு வதக்கி விடவும். அதனுடன் நறுக்கிய கீரையும் சேர்த்து விடவும்.

சிறிதளவு தண்ணீர் சேர்த்து, 1/4 டீஸ்பூன் மஞ்சள் தூள், 1/2 டீஸ்பூன் சாம்பார் மிளகாய்த்தூள், உப்பு சேர்த்து நன்கு வேகவிடவும்.

கீரை நன்கு வெந்து தண்ணீர் சிறிது வற்றியவுடன் வேக வைத்த துவரம் பருப்பை சேர்த்து நன்கு கலக்கி விடவும்.

ஒரு கொதி வந்தவுடன் அடுப்பை சிம்மில் வைத்து 1டேபிள் ஸ்பூன் துருவிய தேங்காய் சேர்த்து இறக்கிவிடவும். சுவையான சிவப்பு பொன்னாங்கண்ணி கீரை துவரம் பருப்பு கூட்டு ரெடி. 😋😋