ஒரு கப் கடலை மாவில் ஒரு பச்சை மிளகாயைப் பொடியாக நறுக்கிப் போட்டு உப்பு,சிறிதளவு சோம்பு சேர்த்து நீர் விட்டு பிசைந்து இட்லி பானையில் ஆவியில் வேக வைக்கவும். ஒரு பெரிய வெங்காயம் ஒரு பெரிய தக்காளி பொடியாக நறுக்கி வைக்கவும். 5 ஸ்பூன் துருவிய தேங்காய் கசகசா முந்திரி சோம்பு நைஸாக மிக்ஸியில் அரைத்து வைக்கவும்.

ஒரு வாணலில் ஆயில் விட்டு, பட்டை கிராம்பு பிரிஞ்சி இலை, தாளித்து வெங்காயம் வதக்கவும். தக்காளி சேர்த்து கரையும் வரை வதக்கவும்.தனியாத்தூள் மிளகாய்த்தூள், சிறிதளவு கரம் மசாலாத்தூள் சேர்த்து சுருள வதக்கி அரைத்த விழுதை சேர்த்து ஒரு டம்ளர் நீர் விட்டு உப்பு ஒரு சிட்டிகை மஞ்சள் தூள் சேர்த்து, சிம்மில் வைத்து,கொதிக்க விடவும். ஆவியில் வேகவைத்த கடலை மாவை ஆற வைத்து கத்தியால் பொடியாக நறுக்கி, அல்லது உதிர்த்துவிட்டு குழம்பில் சேர்த்து கலந்து விடவும்.

சிம்மில் வைத்து 5 நிமிடம் மூடி வைத்து கொதிக்க விடவும். மல்லி இலை தூவி இறக்கவும்.சுவையான இன்ஸ்டன்ட் வடகறி தயார் இட்லி தோசைக்கு தொட்டுக் கொள்ள மிகவும் சுவையாக இருக்கும்.

கடலைப்பருப்பு 2மணி நேரம் ஊறவைத்து நீரை வடித்து ஒரு பச்சை மிளகாய் சிறிதளவு சோம்பு உப்பு சேர்த்து மிக்ஸியில் கொரகொரப்பாக அரைத்து காய்ந்த எண்ணெயில் கிள்ளிப்போட்டு பொரித்தும் போடலாம்.