முதலில் மசாலா பொடி அரைக்க கொடுத்தவற்றை (பெருங்காயப்பொடி தவிர) வெறும் வாணலியில் லேசாக வறுத்து பெருங்காயப் பொடியை சேர்த்து கிளறி ஸ்டவ்வில் இருந்து இறக்கி வைக்கவும். ஆறவிட்டு இவற்றை மிக்ஸியில் அரைத்துக் கொள்ளவும்.

அரை மணி நேரம் புளியை ஊறவைத்து கெட்டியாக கரைத்து வடித்து வைத்துக் கொள்ளவும்.

ஒரு அடிகனமான பாத்திரத்தில் எண்ணெய் விட்டு சூடானதும் கடுகு, உளுத்தம் பருப்பு, கடலைப் பருப்பு, வரமிளகாய் தாளித்து வேர்க்கடலை மற்றும் கறிவேப்பிலை சேர்த்து பொரிந்ததும், அரைத்து வைத்துள்ள மசாலா பொடியை சேர்த்து வதக்கி, கரைத்து வைத்துள்ள புளி கரைசலை ஊற்றவும். பிறகு தேவையான உப்பு, மஞ்சள் பொடி சேர்த்து கலந்து, எண்ணெய் பிரிந்து வரும் வரை கொதிக்க விடவும்.

வடித்து வைத்த சாதத்தில் புளிக் குழம்பை விட்டு நன்றாக கிளறவும். இப்போது சுவையான புளியோதரை தயார்.