உருளைக்கிழங்கை நன்கு கழுவி குக்கரில் தண்ணீர் ஊற்றி 4 விசில் விட்டு இறக்கி ஆற விட்டு தோலுரித்து, முள் கரண்டியை வைத்து நன்கு மசித்து எடுத்துக் கொள்ளவும்

இதனுடன் கடலை மாவு, மஞ்சள் தூள் சேர்த்து நன்கு குழைய ஒருசேர பிசைந்து தனியே வைக்கவும்

ஒரு அடி கனமான கடாயை அடுப்பில் வைத்து 3 டேபிள்ஸ்பூன் எண்ணெய் விட்டு முதலில் கடுகு, உளுந்து, சீரகம் தாளித்து கடலைப்பருப்பை சேர்த்து சிறிது வறுக்கவும்

பிறகு கறிவேப்பிலை பெருங்காயத்தூள் சேர்த்து நன்கு பொரித்து விடவும்

பிறகு நீளவாக்கில் கீறிய பச்சை மிளகாய் சேர்த்து சிறிது வதக்கி விட்டு நீளவாக்கில் அரிந்த பெரிய வெங்காயத்தையும் சேர்த்து அடுப்பை குறைந்த தணலில் வைத்து முக்கால் பதம் அளவுக்கு மட்டுமே வதக்கவும்

இப்போது இதனுடன் உருளைக்கிழங்கு கலவையை சேர்த்து குறைந்த தணலில் வைத்து, ஒரு நிமிடம் வரை பச்சை வாடை போக வதக்கி விடவும். பிறகு அரை கப் அளவு தண்ணீர் விட்டு கொதி வர விடவும்

ஒரு கொதி வரும் பட்சத்தில் தேவையான அளவு உப்பு சேர்த்து அடுப்பை குறைத்து வைத்து கெட்டி பதம் (semi solid) ஆக வந்ததும், விதையை நீக்கிவிட்டு எலுமிச்சைச் சாறை சேர்த்து ஒரு கிளறு கிளறி விட்டு அடுப்பை அணைக்கவும்.