பாஸ்மதி அரிசியை நன்கு கழுவி 30 நிமிடம் ஊறவிடவும்.
மிக்ஸர் ஜாரில் பூண்டு, இஞ்சி, பச்சை மிளகாய், துருவிய தேங்காய், சில்லி பேஸ்ட், புதினா, கொத்தமல்லி மற்றும் தண்ணீர் சேர்த்து விழுதாக அரைக்கவும்.

குக்கரில் நெய், எண்ணெய் ஊற்றி அதில் பட்டை, கிராம்பு, ஏலக்காய், அன்னாசிப்பூ, பிரியாணி இலை சேர்க்கவும்.
பிறகு வெங்காயம் சேர்த்து வதக்கவும், வெங்காயம் வதங்கியதும் அரைத்த மசாலா விழுதை சேர்த்து 2 நிமிடம் வதக்கவும்.

பின்பு தக்காளியை சேர்த்து 3 நிமிடம் வதக்கவும்.
அடுத்து உப்பு, மஞ்சள் தூள், தனியா தூள் சேர்த்து வதக்கவும்.

பிறகு நறுக்கிய காளானை சேர்த்து வதக்கவும். பின்பு புதினா மற்றும் கொத்தமல்லி சேர்த்து கலந்துவிடவும்.
அடுத்து ஊறவைத்த அரிசியை சேர்த்து கலந்து தண்ணீர் ஊற்றி குக்கரை மூடி ஆவி வர ஆரம்பித்ததும் விசிலை போட்டு குறைந்த தீயில் 5 நிமிடம் வேகவைத்து இறக்கவும்.
காளான் பிரியாணி தயார்!