சிறு கீரை தண்டு சூப்

150 கிராம் சிறுகீரை தண்டுகளை தண்ணீரில் நன்றாக இரண்டு முறை அலசி விட்டு எடுத்துக் கொள்ள வேண்டும்

பிறகு குக்கரில் 3 டம்ளர் தண்ணீர் சேர்த்து அதனுடன் நாம் அலசி எடுத்துள்ள சிறுகீரை தண்டுகளை சேர்த்துக்கொள்ள வேண்டும்

அதனுடன் மூன்று பல் தோலுரித்த பூண்டு 5 தோல் உரித்த சின்ன வெங்காயம் ஒரு சிறிய தக்காளி ஆகியவற்றை நறுக்கி சேர்த்துக் கொள்ள வேண்டும்

பிறகு அதனுடன் கால் டேபிள்ஸ்பூன் மஞ்சள்தூள் அரை டேபிள்ஸ்பூன் மிளகுத்தூள் அரை டேபிள்ஸ்பூன் சீரகத்தூள் சேர்த்துக் கொள்ள வேண்டும்

பிறகு தேவையான அளவு உப்பு சேர்த்து ஒருமுறை நன்றாக கலந்து விட்டு குக்கரை மூடி 5 விசில் வரை விடவேண்டும்

குக்கரில் ஆவி அடங்கியவுடன் அதை திறந்து பார்க்கவும்...இதோ சத்துக்கள் நிறைந்த ஆரோக்கியமான கீரை தண்டு சூப் தயார் இதனை நாம் வேறு ஒரு பாத்திரத்தில் மாற்றிக் கொள்ளலாம்

சூப் தாளிப்பதற்கு ஒரு கடாயில் 2 டீ ஸ்பூன் எண்ணெய் சேர்த்து எண்ணெய் சூடானவுடன் அதில் ஒரு சிறிய துண்டு பட்டை 2 கிராம்பு 1/2 டீ ஸ்பூன் சீரகம் 1 டீ ஸ்பூன் சோம்பு ஆகியவற்றை சேர்த்து பொரிய விட வேண்டும்

பிறகு அதில் ஒரு கொத்து கருவேப்பிலை சேர்த்து அதனை நாம் தயாரித்து வைத்திருக்கும் கீரைத்தண்டு சூப்பில் சேர்க்கவேண்டும்