மாம்பழ இலை அடை /இலையப்பம்

முதலில் மாம்பழத்தை தோல் நீக்கி மிக்ஸியில் சேர்த்து அரைத்துக் கொள்ளவும் மற்றொரு பாத்திரத்தில் வெல்லம் சிறிது தண்ணீர் சேர்த்து பாகு காய்ச்சவும்

ஒரு பாத்திரத்தில் அரிசி மாவு, துருவிய தேங்காய் துருவல், ஏலக்காய்த்தூள், சிறிது உப்பு, சிறிது சுக்குப்பொடி சேர்த்து ஒன்றோடு ஒன்று நன்றாக கலக்கவும்

இப்போது அரைத்த மாம்பழ விழுது சேர்த்து நன்றாக கலந்து கொள்ளவும் பிறகு காய்ச்சிய வெல்லப்பாகை சூடாக இருக்கும் போதே சிறிது சிறிதாக கலந்து கட்டியில்லாமல் கலந்து கொள்ளவும்

அனைத்தையும் நன்றாக கலந்த பிறகு இதனை மூடி 5 நிமிடம் வைக்கவும் பிறகு வாழையிலையை படத்தில் காட்டியவாறு வெட்டி அதன் மேல் சிறிது எண்ணெய் தேய்த்துக் கொள்ளவும் பிறகு கலந்து வைத்துள்ள கலவையை சிறிது எடுத்து வாழை இலையில் வைத்து படத்தில் காட்டியவாறு ஒரு பாதியில் சற்று பரப்பி விடவும்

மற்றொரு பாதியால் இதனை மூடவும் இதேபோல் அனைத்தையும் தயாரித்துக் கொள்ளவும் பிறகு இட்லி பாத்திரத்தில் சிறிது தண்ணீர் ஊற்றி இதனை இட்லி பாத்திரத்தில் வைத்து 20 நிமிடம் மிதமான தீயில் வைக்கவும்

சுவையான மாம்பழ இலை அடை தயார் நீங்களும் இதனை சுவைத்துப் பாருங்கள்