மாவு செய்வதற்கு பாத்திரத்தில் மைதா மாவு மற்றும் பொடித்த சர்க்கரை சேர்த்துக் கொள்ளவும்.

பிறகு அதில் உப்பு, நெய் மற்றும் வனஸ்பதி கலவையை சேர்த்து நன்றாக பிசைந்து கொள்ளவும்.

அதனுடன் எண்ணெய் ஊற்றி சிறிது சிறிதாக தண்ணீர் சேர்த்து மிருதுவான பதத்திற்கு பிசைந்து கொள்ளவும்.

பிசைந்த மாவின் மேல் சிறிதளவு எண்ணெய் தடவி வைக்கவும் மாவு காயாமல் இருப்பதற்காக. பிறகு அதை மூடி ஃப்ரிட்ஜில் வைத்து நன்றாக ஊற வைக்க வேண்டும் குறைந்தது 8 மணிநேரம் முதல் 12 மணிநேரம் வரை. (இது மிகவும் முக்கியமான ஒன்று)

12 மணி நேரம் ஊறிய மாவை ஃப்ரிட்ஜில் இருந்து எடுத்து சிறிதளவு மைதா மாவு தூவி அதன் மேல் வைத்து சப்பாத்தி கட்டையை வைத்து மெல்லியதாக தேய்த்துக் கொள்ளவும்.

பிறகு அதன் மேல் சிறிதளவு மைதா மாவு, கஸ்டர்டு பவுடர் சேர்க்கவும்.

பின் வனஸ்பதி மற்றும் நெய் கலவையை அணைத்து இடங்களிலும் தேய்த்து அதன் மேல் சர்க்கரை தூவிக் கொள்ளவும். பிறகு மாவை இரண்டாக மடித்து இதே முறையில் மீண்டும் அனைத்தையும் சேர்க்கவும்.(நன்கு மடிப்புகளுக்கும் இதே முறையை தொடரவும்)

பிரிட்ஜில் இருந்து எடுத்த மாவின் மேல் சிறிதளவு மைதா மாவு தூவி மெல்லியதாக இல்லாமல் மாவை உருட்டவும்.

பிறகு அதை கத்தி வைத்து சதுர வடிவில் துண்டுகளாக்கவும்.

அதற்கு வடிவம் கொடுப்பதற்கு நான்கு முனைகளையும் ஒரே புள்ளியில் வைத்து அழுத்தம் கொடுத்தால் நன்றாக இருக்கும்.

பிறகு தயார் செய்ததை 180 டிகிரிக்கு பத்து நிமிடம் முன்கூட்டியே சூடுபடுத்தி வைத்துள்ள ஓவனில் 45 நிமிடங்களுக்கு வைக்கவும்.(ஒவ்வொரு ஒவனுக்கும் நேரம் மாறுபடும், 40 நிமிடங்களுக்கு பிறகு சோதித்துப் பார்க்கவும்)