1பாக்கெட் அணில் சேமியா மாவை எடுத்து வைக்கவும். 1கேரட், 7 பீன்ஸ், 5 பச்சைமிளகாய், 1 துண்டு இஞ்சி, 1 குடை மிளகாய் தோல் நீக்கி கழுவி பொடியாக நறுக்கி வைக்கவும்.3 பெரிய வெங்காயம் தோல் நீக்கி கழுவி நீளவாக்கில் நறுக்கி வைக்கவும்.

2 தக்காளி சிறிதளவு கொத்தமல்லி தழை சிறிதளவு கறிவேப்பிலை எடுத்து வைக்கவும். கடாயில் 2 டீஸ்பூன் ஆயில் 3 டீஸ்பூன் நெய் விட்டு 1 டீஸ்பூன் கடுகு, 1 டேபிள் ஸ்பூன் உளுந்து பருப்பு,1 டேபிள்ஸ்பூன் கடலை பருப்பு, 1/2 டீஸ்பூன் சீரகம், பொன்னிறமாக வறுத்து விடவும். அதனுடன் நறுக்கிய வெங்காயத்தை சேர்த்து வதக்கி, தக்காளி கறிவேப்பிலை கொத்தமல்லித் தழை சேர்த்து நன்கு வதக்கவும்.

நறுக்கி வைத்த காய்கறிகளை சேர்த்து நன்கு வதக்கி தேவையான அளவு உப்பு, தண்ணீர் சேர்த்து நன்கு வேகவிடவும்.

காய்கறிகள் நன்கு வெந்து வரும் பொழுது எடுத்து வைத்த சேமியாவை சேர்த்து விடவும். அடுப்பை சிம்மில் வைத்து ஒரு தட்டு போட்டு மூடி வேக விடவும்.

சேமியா நன்கு வெந்தவுடன், மீதமுள்ள 2 டீஸ்பூன் நெய்யை சேர்த்து நன்கு கிளறி விடவும்.5 நிமிடம் வேக விடவும்.

சுவையான வெஜ் அணில் சேமியா ரெடி.😋😋 இதற்கு சைட் டிஷ் ஆக 2 கப் தயிர், 1 பெரிய வெங்காயம், 1 பச்சை மிளகாய், உப்பு சிறிதளவு தக்காளி, நறுக்கிய கொத்தமல்லி தலை சேர்த்து கலக்கி விடவும்.