மணத்தக்காளி கீரை துவரம் பருப்பு கூட்டு

1கட்டு மணத்தக்காளிக் கீரையை வாங்கி சுத்தம் செய்து கழுவி வைக்கவும்.10 சின்ன வெங்காயம், 8 பல் பூண்டு தோல் நீக்கி கழுவி, பொடியாக நறுக்கி எடுத்து வைக்கவும்.

கடாயில் 2 டீஸ்பூன் ஆயில் 2 டீஸ்பூன் நெய் விட்டு, 1 டீஸ்பூன் கடுகு, 1/2 டீஸ்பூன் சீரகம், 1 டீஸ்பூன் உளுந்து பருப்பு, 1வரமிளகாய் கிள்ளியது சேர்த்து பொன்னிறமாக தாளித்து, அதனுடன் நறுக்கிய சின்ன வெங்காயம், பூண்டு சேர்த்து நன்கு வதக்கி விடவும்.1/4 கப் துவரம் பருப்பை குக்கரில் 3 விசில் விட்டு, வேக வைத்து எடுத்து வைக்கவும்.

சின்ன வெங்காயம் பூண்டு நன்கு வதங்கியவுடன், அதனுடன் கீரையை சேர்த்து தண்ணீர் சிறிது விட்டு வேகவிடவும்.1/2 ஸ்பூன் சாம்பார் மிளகாய்த்தூள்,1/4 டீஸ்பூன் மஞ்சள் தூள், உப்பு சேர்த்து வேக விடவும்.

தண்ணீர் வற்றி கீரை நன்கு வெந்தவுடன், வெந்த துவரம் பருப்பை சேர்த்து நன்கு கலக்கி விடவும்.

1 டேபிள் ஸ்பூன் தேங்காய் துருவல் சேர்த்து, கலக்கி இறக்கி விடவும். ஒரு சிறிய கிண்ணத்தில் எடுத்து வைக்கவும். சுவையான மணத்தக்காளி கீரை துவரம்பருப்பு கூட்டு ரெடி.😋😋