டைமண்ட் பிஸ்கட்

மைதா மாவிற்கு, பாதி அளவு தூள் செய்த சர்க்கரை எடுத்துக் கொள்ள வேண்டும்.

அதாவது 1.5கப் மாவிற்கு 3/4கப் சர்க்கரை தூள்.இது அளவான இனிப்பு கொடுக்கும்.

இனிப்பு அதிகம் வேண்டும் எனில் சர்க்கரையின் அளவைக் கூட்டிக் கொள்க.

ஒரு பாத்திரத்தில் சலித்த மைதா மாவு,சர்க்கரை தூள், ரவை, ஏலக்காய் தூள், நெய்,உப்பு சேர்த்து கலந்து கொள்ள வேண்டும்

பின்னர் கொஞ்சம் கொஞ்சமாக, தண்ணீர் சேர்த்து பிசைந்து கொள்ள வேண்டும். மிகவும் சாப்டாக பிசைய கூடாது.மாவு கொஞ்சம் கெட்டிப் பதத்தில் இருந்தால் நல்லது.

இனி சப்பாத்தி உருட்டுவது போல், கொஞ்சம் தடிமனாக உருட்டிக் கொள்ள வேண்டும்.

மிகவும் மெல்லிதாக உருட்டினால்,சாப்பிடும் பொழுது கடுகடுவென்று இருக்கும் எனவே கொஞ்சம் தடிமனாக இருக்கட்டும்.

தேவையான வடிவத்தில் வெட்டி வைத்துக் கொள்ளலாம். குழந்தைகளை கவரும் வகையில் ஏதேனும் வடிவங்கள் இருந்தால் பயன்படுத்திக் கொள்ளலாம்.

இனி எண்ணெயில் பொரித்து எடுக்க வேண்டும். பொரித்து எடுக்கும் பொழுது மொறு மொறுப்பாக இருக்காது.ஆறிய பிறகு மொறுமொறுப்பாக இருக்கும்.

அவ்வளவுதான் சுவையான மொறுமொறுப்பான டைமண்ட் பிஸ்கட் ரெடி.