முதலில்,குழம்பு கூட்ட வேண்டும்.

கடாயில், குழம்பிற்கு எவ்வளவு தேவையோ அதற்கு கூடுதலாக இன்னொரு மடங்கு தண்ணீர் சேர்த்து, அந்த தண்ணீரில், அரைத்த விழுது,குழம்பு மிளகாய்த்தூள் மற்றும் புளிக்கரைசல் சேர்த்து கலந்து கொள்ளவும்.

அடுப்பை ஆன் செய்து,இந்த கலவையை கொதிக்கவிடவும்.

நன்றாக கொதித்ததும் (4 முழு)பூண்டு பற்களையும்,மீதி உள்ள சின்ன வெங்காயம், நறுக்கிய 2 தக்காளி அனைத்தையும் சேர்க்கவும்.

பூண்டு பற்கள் வறுத்தும் சேர்க்கலாம்.

இவை அனைத்தையும் நன்றாக கொதிக்கவிடவும். உப்பு சேர்க்கவும்.

குழம்பு காய்ந்ததும் இறக்கவும். அதாவது
குழம்பில் தண்ணீர் வற்றி,கெட்டியானால் தான் கரண்டியில் ஒட்டும். ஒட்டவில்லையெனில் குழம்பு இன்னும் ரெடி ஆகவில்லை என்று பொருள்.

பின், வாணலியில் நல்லெண்ணெய் ஊற்றி,கடுகு, உளுந்து வெந்தயம், கருவேப்பிலை சேர்த்து தாளித்து குழம்பில் கொட்டவும்.

குழம்பில் 'வெந்தயம் வாசம்' கமகம வென்று இருக்கும்.

அவ்வளவுதான். சுவையான பூண்டு குழம்பு ரெடி.

இந்த குழம்பிற்கு முட்டைக்கோஸ்,பீன்ஸ், கேரட் பொரியல்,அப்பளம்,வேக வைத்த முட்டை, இவை அனைத்தும் நல்ல காம்பினேஷன் ஆக இருக்கும்.